Астана Опера
| Астана Опера | |
|---|---|
| |
| Орналасуы |  Қазақстан, Астана, Дінмұхамед Қонаев көшесі, 1
|
| Негізделгені | 2013 жыл |
| Директоры | Ғалым Ахмедьяров |
| Көркемдік жетекшісі | Виктор Караре |
| Бас режиссёрі | Еренбақ Тойкенов |
| Бас дирижёрі | Алан Бөрібаев |
| Бас балетмейстері | Алтынай Асылмұратова |
| Бас хормейстері | Ержан Дәуітов |
| Сайты | https://astanaopera.kz/kz |
| Астана Опера Ортаққорда | |
«Астана Опера» мемлекеттік опера және балет театры немесе Астана Опера — Қазақстандағы Астана қаласында орналасқан опера және балет театры.
Тарихы[өңдеу | қайнарын өңдеу]
«Астана Опера» мемлекеттік опера және балет театры құрылысы 2010 жылы басталып, 2013 жылы 21 маусым күні Қазақстан Республикасының Президенті Нұрсұлтан Назарбаевтың бастамасымен алғашқы маусымын ашты. Театр Орталық Азиядағы ең ірі театр болып саналады[1][2].
Театр шымылдығын тұңғыш түру құрметі Мұқан Төлебаевтың «Біржан – Сара» спектакліне берілді. «Астана Операның» репертуарында М.Төлебаевтың «Біржан — Сара», А. Жұбанов пен Л. Хамидидің «Абай», Е. Брусиловскийдің «Қыз Жібек» опералары, Ғ. Жұбанованың музыкасына жазылған «Қарагөз» балеті бар.
Театрда Милан Ла Скала театры, неаполитандық «Сан-Карло», генуэздік «Карло Феличе», Ұлттық Париж операсы, Санкт-Петербургтегі Мариин театры және т.б. гастрольдік сапармен болды.
2014 жылы «Астана Опера» (Нью-Йорк — Торонто — Париж — Антверпен — Роттердам) әлемдік турнесі өтті; сондай-ақ Маскат Корольдік театрында (Оман), Graz Opera (Австрия); Мариин театрында (Ресей), Theatro Municipal (Бразилия), Рим операсы (Италия), театрда гастрольдер өтті «Карло Феличе» (Италия), София патшайымның өнер сарайы (Валенсия, Испания) және басқа да театрларда өнер көрсетеді.
Театрдың техникалық сипаттамасы[өңдеу | қайнарын өңдеу]
«Астана Опера» ғимаратын салуға 30 елден астам маман қатысты. Сахнаны неміс мамандары дайындаса, акустикасына италия мамандары жауап берді. Театрдың ішкі жағы және сырты сицилиялық мрамормен безендірілген.
«Астана Опера» залына 1250 көрермен, ал камералық залда 250 адам сияды. Оның партері 450 көрерменге арналған. Басты зал аттың тағасына ұқсас формаға ие, «Ла Скала» сынды әлемдік үздік опера театрлары залына ұқсатып, бірнеше қабат етіп жасалған, бірақ ұлттық үлгіде өрнектелген. Мұның сыртында ғимаратта 8 қосымша зал, 11 репетициялық орынжай, баспасөз залы және басқа да функционалдық бөлмелер бар[3] Бас сахнаның көлемі – 935 шаршы метр. Бас сахнаның ені 21 метрді, ал тереңдігі – 59 метр.
Сахна астында, 12 метр тереңдікте «төменгі деңгей», яғни автоматты басқару жүйесі бар машинарий залы орналасқан. Оркестр шұңқыры үш тұғырнамада тұрады. Олар әртүрлі деңгейлерде жайластырылған және 120 музыканттың орын тебуіне есептелген.
Опера труппасы[өңдеу | қайнарын өңдеу]
- Мейір Байнеш — Опера труппасының директоры
- Мәнсия Естекова — Опера труппасының инспекторы
- Жанар Ахметова, Ирина Кургузкина, Дина Мирманова — Жетекші концертмейстерлер
Марапаттары[өңдеу | қайнарын өңдеу]
- А.Жұбанов пен Л. Хамидидің «Абай» операсы үшін Қазақстан Республикасының әдебиет пен өнер саласындағы мемлекеттік сыйлығының (2018) лауреаты.
- «Жылдың театр алаңы» номинациясында классикалық өнер саласындағы «BraVo» халықаралық сыйлығының иегері (Мәскеу, Ресейдің Үлкен театры, 2019).
Дереккөздер[өңдеу | қайнарын өңдеу]
- ↑ Театр туралы. Тексерілді, 26 қыркүйек 2023 жыл.
- ↑ "Астана Опера" Мемлекеттік опера және балет театры" коммерциялық емес акционерлік қоғамын құру туралы. Қазақстан Республикасы Үкіметінің 2013 жылғы 22 мамырдағы № 512 қаулысы.. Қазақстан Республикасы нормативтік құқықтық актілерінің ақпараттық-құқықтық жүйесі. Тексерілді, 26 қыркүйек 2023 жыл.
- ↑ http://aikyn.kz/news/view/24731(қолжетпейтін сілтеме)