Асхат Сәлімұлы Иманғалиев

Асхат Сәлімұлы Иманғалиев
Лауазымы
М. Өтемісов атындағы Батыс Қазақстан мемлекеттік университетінің ректоры
2011 — 2018
Ізашары	Рысбеков Тұяқбай
Ізбасары	Серғалиев Нұрлан
Х.Досмұхамедов атындағы Атырау мемлекеттік университетінің ректоры
2000 — 2008
Ізашары	Табылдиев Хисмет
Ізбасары	Қазмағамбетов Алтай
Өмірбаяны
Дүниеге келуі	21 тамыз 1953 (1953-08-21) (71 жас) Құлсары, Жылыой ауданы, Атырау облысы, Қазақ КСР
Марапаттары

Асхат Сәлімұлы Иманғалиев (21 тамыз 1953, Құлсары, Жылыой ауданы, Атырау облысы, Қазақ КСР) — педагогика ғылымдарының докторы (1999), профессор (1997).

Өмірбаяны

Иманғалиев Асхат Сәлімұлы 1953 жылдың 21 тамыз айында Атырау облысының Жылыой ауданы Құлсары қаласында дүниеге келген.

1961-1971 жылдары А.С.Пушкин атындағы орта мектебін бітірген.

1971-1975 жылдары Гурьев педагогикалық институтының тарих-филология факультетін (“тарих” мамандығы бойынша) бітірген.

1975-1976 жылдары Гурьев қаласындағы теміржол транспорты техникумында тарих пәнінің оқытушысы.

1977-1979 жылдары Гурьев қаласындағы теміржол транспорты техникумның бастапқы комсомол ұйымының хатшысы.

1979-1982 жылдары Гурьев педагогикалық институтының педагогика және психология кафедрасының оқытушысы қызметінен бастайды. 1982 жылы аталған кафедраның аға оқытушысы.

1985 жылы Ы. Алтынсарин атындағы педагогика ғылымдары ғылыми-зерттеу институтының аспирантурасын аяқтап, педагогика ғылымдарының кандидаты ғылыми дәрежесін алады.

1986-1989 жылдары Жалпы және халықтық педагогика кафедрасының аға оқытушысы, доценті, профессоры, Педагогика және тарих-филология факультеттерінің деканы.

1989-2000 жылдары Ғылыми істер жөніндегі проректор.

2001-2008 жылдары 13.00.01-Жалпы педагогика, педагогика және білім тарихы, этнопедагогика мамандығының педагогика ғылымдарының кандидаты ғылыми дәрежесіне диссертация қорғау бойынша мамандандырылған кеңесінің төрағасы.

2000-2008 жылдары Х.Досмұхамедов атындағы Атырау мемлекеттік университеті ректоры қызметтерін атқарды.

2008-2009 жылдары Х. Досмұхамедов атындағы Атырау мемлекеттік университеті ректорының кеңесшісі.

2009 жылы «Каспий жағалауы академиясы» қоғамдық бірлестігінің төрағасы болып сайланады.

2011-2018 жылдары М. Өтемісов атындағы Батыс Қазақстан мемлекеттік университетінің ректоры қызметтерін атқарды.

Қоғамдық жұмыс

1999-2004 жылдары Атырау қалалық мәслихатының депутаты болып сайланады.

2004-2011 жылдары Атырау облыстық мәслихатының депутаты және 2005 жылдан «Нұр Отан» партиясы Атырау облыстық Саяси Кеңесінің мүшесі.

2005 жылы Қазақстан Республикасы Президенті сайлауында «Отан» партиясы Атырау облыстық штабының, 2007 жылы Қазақстан Республикасы Парламенті Мәжілісі сайлауында «Нұр Отан» партиясының Атырау облыстық штабының төрағасы қызметін атқарады.

2012 жылдан Батыс Қазақстан облыстық мәслихатының депутаты болып сайланды (бесінші шақырылым).

Еңбектері

Педагогика ғылымдарының кандидаты (1985), докторы (1999), доцент (1991), профессор ЖАК (1997), Әлеуметтік ғылымдар академиясының академигі (2000), Қазақ білім академиясының академигі (2006).

«Жоғары сынып оқушыларының сауықтыру дене тәрбиесі жүйесіндегі педагогикалық валеологияның дамуы» деген тақырыпта докторлық диссертация қорғаған.

100 астам ғылыми жұмыстардың авторы, соның ішінде: «Развитие идей валеологии и физического воспитания детей в казахской этнопедагогике», «Прогрессивные идеи и опыт народного воспитания у казахов», «Педагогическая валеология» сынды жеке шығарған оқу құралдары, бірігіп шығарған «Валеология. Учебник для школ», «Валеология. Оқулық» және «Валеология»- Жоғары сынып оқушыларына арналған электронды оқулықты айтуға болады.

Марапаттары

«Парасат» ордені, «Қазақстан Республикасының білім беру ісінің үздігі», «Қазақстан Республикасының Білім беру ісінің құрметті қызметкері», «Қазақстан Республикасының ғылымын дамытудағы үлесі үшін» төс белгілері, А.Байтұрсынов атындағы және Ы.Алтынсарин атындағы медальдары, «Қазақстан Республикасының Тәуелсіздігіне 10 жыл», «Қазақстан Республикасының Конституциясының 10 жылдығы» мерейтойлық медальдары, Қазақстан Республикасының Ұлттық қауіпсіздік комитетінің «Ұлттық қауіпсіздікті қамтамасыз етудегі үлесі үшін» ескерткіш медалі, Қазақстан Республикасының Президенті Н.Ә.Назарбаевтың, Қазақстан Республикасының білімі мен ғылымы корпоративті қорының Алғыс хаттары және әртүрлі деңгейдегі грамоталармен мараптталған.