Асылбек Сақтапбергенұлы Қилымов
Асылбек Қилымов  | |
| Жалпы мағлұмат | |
|---|---|
| Азаматтығы | |
| Туған күні | |
| Туған жері | |
Асылбек Сақтапбергенұлы Қилымов — 1964 жылы 26 сәуірде Ресейде дүниеге келген, қазақ. Боксшы, халықаралық дәрежедегі спорт шебері, Қазақстан Республикасының еңбек сіңірген спорт шебері, еңбек сіңірген жаттықтырушысы.
Жетістіктері[өңдеу | қайнарын өңдеу]
КСРО бойынша жасөспірімдер арасындағы бокста чемпион атағын жеңіп алған. Атап айтсақ:
- - 1979 жылы Бельцы қаласында (Молдавия)
- - 1980 жылы Қарағандыда
- - 1981 жылы Харьковте
- - 1981 жылы Каунаста (КСРО оқушыларының спартакиадасы)
Юниор:
- - 1982 жылы Пенза қаласында өткен КСРО жасөспірімдері арасынан чемпион болады.
- - 1982 жылы бүкіл Еуропа аралық чемпионатта қола жүлдені жеңіп алады, Шверин қаласы (Германия)
- - 1984 жылы Мәскеу қаласында өткен АҚШ-КСРО кездесулерінің чемпионы
- - 1984 жылы КСРО чемпионы, Ташкент қаласы
- - 1984 жылы Ярославльде өткен КСРО кубогының жеңімпазы
- - Екі рет күміс жүлде алған. Біріншісі Ереванда (1985ж), екіншісі Алматыда (1986 ж) өткен чемпионаттар
Асылбектің бір соққысы 724 кило салмақпен жұмсалған. Әрі біздің жігіт рингте өткізген жалпы есеппен 216 жекпе-жегінің 82 пайызын нокаутпен аяқтаған.
Асылбек Сақтапбергенұлы боксқа он жылын арнаған (1977-1987 жж). Осы жылдар аралығында 216 кездесу өткізіп оның 186-ын жеңімпаз болып аяқтаған. 1982 жылы Англия тәжірибе алмасу мақсатында өздеріне шақыртады, контрактінің құны 1.5 млн(фунт.стерл).
1984 жылдың көрсеткіші бойынша Асылбек Қилымов Еуропаның ең үздік боксшысы, 75 келі салмақ дәрежесіне дейінгі ӘЛЕМ БОЙЫНША үшінші боксшысы атағына ие болған тұлға.
"Менің қауқарлы һәм қарымды болуыма жастай жегілген қара жұмыстың пайдасы көп тиді" депті Асылбек өзінің бір сұқбатында.
Жеке өмірі[өңдеу | қайнарын өңдеу]
Асылбек Сақтапбергенұлының отбасы 1977 жылы Ақтауға қоныс аударған. Ол қазір Алматы қаласында тұрады, жеке кәсіпкер.