Асыранды үйрек

Асыранды үйрек – барылдауық үйректен таралған қазтәрізділер отрядына жататын үй құсы. Мұның етті тұқымдары – бейжің үйрегі, етті-жұмыртқалы тұқымдары: көк мойын үйрек, украина үйрегі, мәскеулік ақ үйрек. Бейжің үйрегінің мекиенінің салмағы 3,5, кежегі 4 кг, жылына 90 – 120 жұмыртқа, көк мойынның мекиені 3 кг, кежегі 3,2 кг, жылына 130 – 150 жұмыртқа табады. Украина үйрегінің мекиені 3, кежегі 3,5 кг, 100 – 120 жұмыртқа; мәскеулік ақ үйрек мекиені 3,3 кежегі 3,5 кг, 110 – 120 жұмыртқа табады. Үйректің бұл тұқымдары тез жетілгіш, еті дәмді. Асыранды үйрек Қазақстанның құс өсірумен шұғылданатын барлық аудандарында өсіріледі. Олар паратифпен жиі ауырады, сондықтан жұмыртқасын пісірмей жеуге болмайды.^[1]