Асқар Алтынбекұлы Күлібаев

Асқар Алтынбекұлы Күлібаев 1937 жылы 1 шілдеде Алматы қаласында туған. Қазақ. Әкесі - Күлібаев Алтынбек. Анасы - Күлібаева Гүлжан. Қазақ ауыл шаруашылығы институтының электрлендіру факультетін (1961) инженер-электрик мамандығы бойынша, В.И. Ленин атындағы Қазақ политехникалық институтының құрылыс факультетін (1971) инженер-құрылысшы мамандығы бойынша; Алматы жоғарғы партия мектебін (1981) бітірген. Экономика ғылымдарының кандидаты (1998). Кандидаттық диссертациясының тақырыбы: «ҚР-дағы инвестициялық қызметті мемлекеттік реттеу (күрделі құрылыс материалдары негізінде)». Техника ғылымдарының докторы (2003). Докторлық диссертациясының тақырыбы: «Модифицияланған құрылыс материалдарының жаңа қор жинақтау технологиялары». Қазақ мемлекеттік құрылыс академиясының, Қ. Сәтбаев атындағы Қазақ ұлттық техникалық университетінің, Құрылыс материалдарын ғылыми-зерттеу және жобалау институтының құрметті профессоры. ХИА және ҚР ¥ИА академигі. ҚР ИА төралқасының мүшесі, конкурсттық комиссиясының төрағасы. Қазақ және орыс тілдерін біледі. КОКП мүшесі (1965-1991). 1961 жылдан - Алматының №1 автожөндеу зауытының электригі, Алматы ауыр машина жасау зауытының инженері, аға инженері. 1964 жылдан - Алматы электртехникалық зауытының №7 п/ж арнаулы конструкторлық бюросының аға инженері, инженер-конструкторы. 1966 жылдан - «Электрмонтаж» арнайы басқармасының бас инженері, бастығы. 1972 жылдан - «Қазсаудақұрылыс» тресі меңгерушісінің орынбасары. 1972 жылдан - «Қазөндірістехмонтаж» тресі меңгерушісінің орынбасары. 1976 жылдан - Қазақстан Компартиясы ОК құрылыс және қала шаруашылығы бөлімінің нұсқаушысы. 1979 жылдан - ҚазКСР монтаждық және арнаулы құрылыс жұмыстары министрінің орынбасары. 1983 жылдан - Алматы қалалық Халық депутаттары кеңесінің төрағасы. 1985 жылдан - Компартияның Гурьев облыстық комитетінің бірінші хатшысы. 1990 жылдан - ҚР Сәулетшілік және құрылыс жөніндегі мемлекеттік комитетінің төрағасы. 1993 жылдан - ҚР аумағын қосымша құрылыспен толтыру және тұрғын үй құрылысының министрі. 1997 жылдан - ҚР ЭИСМ Тұрғын үй және құрылыс саясаты жөніндегі комитетінің төрағасы. 1998 жылдан бері - «Жібек Жолы - Қазақстан» ¥К президенті, ҚР Премьер-министрінің кеңесшісі. Қалалық, облыстық Халық депутаттары кеңесінің, ҚазКСР Жоғарғы Кеңесі 10-ші, 11-ші шақырылымдарының; КСРО Жоғары Кеңесі 11-ші, 12-ші шақырылымдарының депутаты. ҚазКСР Жоғарғы Кеңесі Төралқасының мүшесі (1984-1985). Ғылыми зерттеу және құрылыс материалдарын жобалау институты жанындағы докторлық диссертацияны қорғау диссертациялық кеңестің төрағасы. Қазақ мемлекеттік құрылыс академиясының қамқорлыққа алу қеңесінің және Халықаралык Қазақ-Америкалық үзіліссіз білім беру колледжінің құрметті төрағасы. Қазақстан Республикалық бағалаушылар палатасының Құрметті президенті. ҚР Әуесқой бокс федерациясының Құрметті президенті. ҚР Бейбітшілікжәне келісім қорының президенті (1994). «АБЕ» корпорациясы» АҚ, «Трансстроймост» АҚ, «Silk Way» компаниялар тобының, «Ар-Ойл» ЖІІІС Директорлар кеңесінің төрағасы. «Мұнайшы» ҚҚ қамқоршылары кеңесінің құрылтайшысы және төрағасы (2004 жылдан). ХИА және ЮНЕСКО Халықаралық сыйлығының, ҚР Мемлекеттік сыйлығының лауреаты. «Құрмет белгісі» (1982), Халықтар достығы (1987), «Отан» (1997), Достастық (РФ, 2007) ордендерімен; 13 медальмен, оның ішінде ХИА Үлкен күміс медалімен марапатталған. ҚР Құрметті спорт қайраткері. ҚР Құрметті инженері. Алматы қаласының Құрметті азаматы. ҚР Құрметті монтажнигі. ҚР Еңбек сіңірген құрылысшысы. Әскери атағы - полковник. Діни көзқарасы - «Оң көзқарастамын». Саяси қайраткер ретіндегі идеалы - Д.А. Қонаев. Қазақстанның болашағы туралы болжамы - «Әлемнің 50 үздік елдерінің қатарына кіреді». Хоббиі - спорт, оқу. Сүйіп оқитын әдебиеті - М. Әуезовтың «Абай жолы», I. Есенберлиннің «Көшпенділері».Үйленген. Жұбайы - Күлібаева Раиса Алдабергенқызы (1938ж. т.).¥лдары-Күлібаев Талғат Асқарұлы (1960 ж. т.), Күлібаев Тимур Асқарұлы (1966 ж. т.).