Асқар Мырзахметұлы Нәметов
 | Бұл мақаланы Уикипедия сапа талаптарына сәйкес болу үшін жетілдіру қажет. Осы мақаланы әрі қарай дамытуға көмектесіңіз. |
Асқар Мырзахметұлы Нәметов — ветеринария ғылымдарының докторы, профессор, Қазақстан Республикасының білім беру және ғылым саласының қайраткері. Жәңгір хан атындағы Батыс Қазақстан аграрлық-техникалық университетінің басқарма төрағасы – ректоры.
Өмірбаяны
[өңдеу | дереккөзін өңдеу]Асқар Мырзахметұлы Нәметов 1963 жылы 5 қаңтарда Алматы облысы Жамбыл ауданында дүниеге келген. 1985 жылы Мәскеу ветеринарлық академиясын бітірген. 1991 жылы аталған академияда ветеринарлық хирургия мамандығы бойынша аспирантураны аяқтады.
Еңбек жолы
[өңдеу | дереккөзін өңдеу]1985 жылы Алматы зооветеринарлық институтында ассистент болып жұмысын бастады. 1991 жылдан бастап осы оқу орнында доцент, кафедра меңгерушісі, декан орынбасары лауазымдарын атқарды. 1996 жылдан бастап Қазақ ұлттық аграрлық университетінде кафедра доценті, оқу-әдістемелік бөлімнің бастығы, проректор, институт директоры болып қызмет етті.
2009–2015 жылдары А.Байтұрсынов атындағы Қостанай мемлекеттік университетінің ректоры болды. 2015–2017 жылдары «Ұлттық аграрлық ғылыми-білім беру орталығы» коммерциялық емес акционерлік қоғамының басқарма төрағасы қызметін атқарды. 2017 жылдан бастап Жәңгір хан атындағы Батыс Қазақстан аграрлық-техникалық университетінің ректоры.
Ғылыми және академиялық қызметі
[өңдеу | дереккөзін өңдеу]120-дан астам ғылыми еңбек, 10-нан астам патент пен авторлық куәліктің авторы. Қазақстанда алғаш жарық көрген «Ветеринарлық заңнама» атты үш томдық жинақтың бірлескен авторы. 12 мемлекеттік білім беру стандарты мен 20 типтік оқу бағдарламасын әзірлеуге қатысқан.
Марапаттары
[өңдеу | дереккөзін өңдеу]- «Еңбек ардагері» медалі (2005)
- «Қазақстан Республикасының Тәуелсіздігіне 20 жыл» медалі (2011)
- «Құрмет» ордені (2014)
- «Қазақстан Тәуелсіздігіне 25 жыл» медалі