Асқар Нариманұлы Есенбаев
Асқар Нариманұлы Есенбаев 1959 жылы 28 сәуірде Апматы қаласында туған. Қазақ. Әкесі - Есенбаев Нариман Халилұлы, марқұм, ҚазКСРТамақ өнеркәсібі министрлігінің бас басқармасы бастығының орынбасары болып қызмет атқарған. Анасы - Әмірханова Т.М., Микробиология институтының аға ғылыми қызметкері.
Н.В. Гоголь атындағы Алматы көркемсурет училищесін (1978); В.И. Суриков атындағы Мәскеу мемлекеттік көркем-сурет институтын (1985) мүсінші мамандығы бойынша бітірген.
Профессор (2006 жылдан). ҚР Көркемөнер академиясының академигі (2006 жылдан). Мүсінші. 150 мүсіндік туындының авторы, оның ішінде «Балалар» (1985), «Батыр» (1987), «Адам» (1988), «Космогония» (1989), «Нұх кемесі» (1989), «Переславль жазы» (1989), «Автопортрет», «Вечный кумир» (1992), «Өмір ағашы» (1994), «Түс көруші» (1995), «Патшаны ерткен періште» (2002-2003), «Сарра» (2009), «Сендер - менің достарым» (2009). 50-ден астам республикалықжәне халықаралық көрмелердің, оның ішінде жеке көрмелердің қатысушысы. Орыс, қазақ және ағылшын тілдерін біледі. КСРО Суретшілер одағының мүшесі (1988). «Ротари» клубының мүшесі (1995 жылдан), «Мост» арт-қауымдастығының мүшесі (1996 жылдан), ҚР Суретшілер одағының басқарма мүшесі (2003 жылдан). КСРО CO стипендиаты (1988-1989). Мемлекеттік сараптама комиссиясының (1989 жылдан), Сыйлықтарды тағайындау жөніндегі мемлекеттік сараптамалық комиссияның (1998 жылдан), Ескерткіштер мен монументтерді орнату жөніндегі мемлекеттік сараптамалық комиссияның (2009 жылдан) мүшесі. КСРО Суретшілер одағының стипендиаты (1988-1989). «Шебер» номинациясындағы «Платина Тарлан» сыйлығының лауреаты (2005). «Ерен еңбегі үшін» (2000) медалімен марапатталған. 3-ші дәрежелі мүсін реставраторы біліктілігіне ие.
Діни көзқарасы - христиан. Қазақстанның болашағы туралы болжамы - «Құқықтық, дамыған, әлемдік ынтымақтастыққа интеграцияланған мемлекет. Білімді, мәдениетті қоғам». Хоббиі - кітап оқу. Сүйіп оқитын әдебиеті - классика.
Үйленген. Жұбайы - Бақбергенова Дана Қайратқызы, үй шаруасымен айналысады. Қыздары - Сара, Мирьям; ұлы - Ілияс.[1]
Дереккөздер[өңдеу | қайнарын өңдеу]
- ↑ Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл — тұлға туралы мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |