Атамекен ауылдық округі (Түркістан облысы)

Уикипедия — ашық энциклопедиясынан алынған мәлімет
Jump to navigation Jump to search
Қазақстан ауылдық округі
Атамекен ауылдық округі
Облысы

Түркістан облысы

Ауданы

Жетісай ауданы

Округ орталығы

Атамекен

Енеді

13 ауыл

Тұрғыны (2009)

9170

Уақыт белдеуі

UTC+6:00

Автомобиль коды

13

Disambig gray.svg Басқа мағыналар үшін Атамекен ауылдық округі деген бетті қараңыз.

Атамекен ауылдық округіТүркістан облысы Жетісай ауданындағы әкімшілік бірлік.

Әкімшілік құрамы[өңдеу]

Құрамына Атамекен, Әлімбетов, Ғабдуллин, Ғарышкер, Жемісті, Жібекші, Жеңіске 40 жыл, Қалпақсай, Қоғалы, Мақташы, Пірәлі, Талапты, Тыңдала ауылдары кіреді. Орталығы – Атамекен ауылы.[1]

Географиялық орны[өңдеу]

Аудан орталығы — Жетісай қаласынан солтүстік-батысқа қарай 22 шақырым қашықтықта орналасқан. Ауылды Достық каналының бір тармағы кесіп өтеді. Ауыл орталығының батысында Жетісай-Шардара тас жолы бар. Жылысу, Қарақай, Мақталы ауыл әкімшіліктерімен және Өзбекстанмен шектеседі.

Тарихы[өңдеу]

Мақталы кеңшарының бесінші бөлімшесі болып құрылған. 1992 жылға дейін "Өзбек ССР-інің 40 жылдығы" кеңшары боп аталды да (1963-71 жылдары бұл өңір Өзбекстанның құрамында еді, 1971 жылы қайтадан Қазақстанға өтті), "Атамекен" агрофирмасы боп өзгертілді. 1997 жылы Қоғалы ауылы Атамекен ауыл әкімшілігінің құрамына өтті.

Халқы[өңдеу]

2009 жылғы санақ қорытындысы бойынша округтегі халық саны 9170 адамды құрайды.[2] Халқының басым бөлігі қазақтар. Олардан басқа өзбектер, тәжіктер, орыстар тұрады.

Шаруашылығы мен экономикасы[өңдеу]

Ауыл тұрғындары негізінен мақта өсірумен айналысады. Ауылда бірнеше мақта қабылдау пункттері бар. Одан бөлек қызанақ, қарбыз, қауын, қияр, қырыққабат, жүгері секілді өнімдер мен дақылдарды егуге де қолайлы алқаптар жеткілікті.

Одақтың кезінде әкімшіліктің аумағымен Жетісай-Шардара жүк тасымалдаушы темір жолы өтетін. 90-жылдардың ортасында темір жолдан пойыздар жүрмей қойып, қаңырап бос қалды да, темір жолдың материалдары талан-таражға ұшырады.

Ауыл кезінде газбен де қамтамасыз етілген болатын. 1999 жылы Өзбекстаннан тартылған газдың берілуі тоқтатылды да, құбырлар түгелімен істен шығып қалды. 2015 жылдан бастап, қайтадан орталыққа газ беріле бастады. Ауыз сумен ауылдың жартысы ғана қамтамасыз етілген.

Ауыл әкімдері[өңдеу]

19922009 Әбдіәшім Шырынбеков,

20092010 Шыршықбаев

20102011 Қабыл Қалдыбеков,

2011 жылдан қазірге дейін Ерболат Раев

Табиғаты[өңдеу]

Жазық жерде орналасқан. Жерінің біраз бөлігі жыңғыл мен жантақтан басқа ештеңе өспейтін сортаң. Ондай жерлер тек мал жаю үшін ғана пайдаланылады. Қып-қызыл, шағыл құмды жерлері егін егу үшін игерілген. Жиде ағашы, тораңғы, сәмбі талдар көбірек кездеседі. Көктем шыққанда қызғалдақпен көмкерілетін аласа қырлар да бар. Орман мүлдем жоқ, тоғайлар да аз.

Құстардан қарға, шымшық, сауысқан, қырғауыл, үйректі кездестіре аласыз.

Дереккөздер[өңдеу]

  1. «Қазақстан»: Ұлттық энциклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл. ISBN 5-89800-123-9, Х том
  2. 2009 жылғы Қазақстан Республикасы халқының Ұлттық санағының қорытындылары. Астана 2011. 1 том