Атлант-балтық расасы

Атлант-балтық расасы — негізгі антропологиялық ерекшеліктеріне қарай үлкен еуропеоид нәсіліне жататын топ. А.-б. р. өкілдерінің терісі мен шашы ақ, ашық сары, көз бояулары ашық көк, мұрындары ұзын, бойлары биік болып келеді. Антропол. құрамы жағынан солт.-батыс және оңт.-шығыс топтарына бөлінеді. Бірінші топқа жататындардың бас пішімі сопақ (долихокефалия) немесе орташа сопақ (мезокефалия), ал беттері қушық болып келеді. Бұл топқа көбінесе Ұлыбритания, Шығыс Норвегия, Швеция тұрғындары жатады. Екінші топқа жататындардың бас пішімі жұмыр, яғни жалпақ басты (брахикефалия) және беттері де жалпақ болып келеді. Негізгі өкілдерінің бірі Германияның солт.-шығыс тұрғындары.