Атырау мұнай және газ университеті

	Сафи Өтебаев атындағы Атырау мұнай және газ университеті;
Университет атауы
Халықаралық атауы	Atyrau Oil and Gas University
Бұрынғы атауы	Атырау мұнай және газ институты
Жалпы сипаттамасы
Құрылған жылы	1959
Түрі	Мемлекеттік университет
Орналасуы
Орналасқан жері	Қазақстан, Атырау
Мекенжайы	Атырау қаласы, Баймұханов көшесі, 45А
Әкімшілік
Ректоры	Шакуликова Гүлзада Тәңірбергенқызы
Негізгі көрсеткіштер
Студенттер	3500
Сайты	https://aogu.edu.kz/kk/
	өңдеу

Сафи Өтебаев атындағы Атырау мұнай және газ университеті (АтМГУ, орыс. Атырауский университет нефти и газа имени Сафи Утебаева, АУНиГ) — Атырау қаласында орналасқан Қазақстан Республикасының мұнай-газ саласында мамандар даярлайтын мамандандырылған мемлекеттік жоғары оқу орны.

Даму кезеңдері

1980 ж. — ҚазПТИ-ның жалпытехникалық факультеті
1988 ж. — ҚазПТИ-ның ғылыми-ағарту орталығы
1990 ж. — ҚазПТИ-ның Атыраулық филиалы
1994 ж. — Қ.И. Сәтбаев атындағы Қазақ ұлттық техникалық университетінің Мұнай және газ институты
1996 ж. — Атырау университетінің мұнай және газ институты
1998 ж. — Атырау мұнай және газ институты
2016 ж. — Атырау мұнай және газ университеті
2019 ж. — Сафи Өтебаев атындағы Атырау мұнай және газ университеті
2025 ж. - Губкин атындағы Ресей мемлекеттік мұнай және газ университетінің филиалында оқыту басталды

1999 жылы Қазақстанда алғаш рет мамандардың даярлық деңгейін арттыру және ғылыми-техникалық потенциалдың мұнай-газ саласындағы көкейкесті мәселелерді шешуге шоғырландыру мақсатымен ЖОО (Атырау мұнай және газ институты) мен ғылыми-зерттеу институты (мұнай және табиғи тұздар химиясы институты) біріктіріліп, Атырау мұнай және газ институты құрылды (ҚР Үкіметінің 1999 ж. 28 маусымдағы № 869 қаулысы). ЖОО ең алғаш құрылғаннан бастап, 2011 ж. 21 шілдесіне дейін институтты химия ғылымдарының докторы, профессор, халықаралық инженерлік академиясының академигі және Қазақстан Республикасының Ұлттық инженерлік академиясының академигі - Төлеуіш Серіков басқарды. 2016 жылы шілдеде институт университет мәртебесін алды^[1]. Қазақстан Республикасы Үкіметінің 2019 жылғы 14 ақпандағы қаулысымен университетке Сафи Өтебаевтың есімі берілді.

2020 жылдың маусым айында университет Білім берудегі тәуелсіз сапаны қамтамасыз ету агенттігі (IQAA) тарапынан халықаралық стандарттарға сәйкестікке аккредиттелді. Қазақстан Республикасы Энергетика министрінің бұйрығымен университет энергетика саласындағы технологиялық инновациялар бойынша сараптамалық қолдау көрсететін Қазақстан Республикасы Энергетика министрлігінің алғашқы салалық технологиялық құзыреттіліктер орталығына айналды. Университет цифрландыру жобаларына сараптамалық қолдау көрсетуге және «болашақ мамандықтары» үшін эксперименттік білім беру бағдарламаларын әзірлеуге жауапты. Қазақстан Республикасы Үкіметінің 2023 жылғы 28 наурыздағы №248 қаулысымен бекітілген «2023–2029 жылдарға арналған Қазақстан Республикасындағы жоғары білім мен ғылымды дамыту тұжырымдамасында» С. Өтебаев атындағы Атырау мұнай және газ университеті индустриалды университет ретінде сипатталған. Үш жыл бойы Атырау мұнай және газ компанияларының сұранысы бойынша кадрларды даярлап, іргелі және қолданбалы зерттеулерді оңтайлы түрде біріктіруге, ірі ғылыми-техникалық әзірлемелерді жүргізуге және осы әзірлемелерді кадрмен қамтамасыз етуге тырысып келеді. Университет Атырау мұнай және газ компанияларының жетекші басшыларынан тұратын Атырау мұнай және газ университетінің Қамқоршылар кеңесі мен Өнеркәсіптік комитетінен тиісті қолдау алады. Олар университеттің қазіргі және болашақ даму мәселелерін шешуде тиімді және нәтижелі көмек көрсетеді.

Басқарма төрағасы – ректор Гүлзада Тәңірбергенқызы Шақұлықова

Факультеттер

Мұнай-газ факультеті
Н.К. Нәдіров Мұнай-химия инженериясы және экология институты
Ақпараттық технологиялар факультеті
Индустриалды-технологиялық факультеті

Тағы қараңыз

Дереккөздер

↑ Атырау мұнай және газ институты университет мәртебесін алды

Сілтемелер

Ресми торабы Мұрағатталған 6 қыркүйектің 2017 жылы.

[1] Атырау мұнай және газ институты университет мәртебесін алды

[1]