Атырау халықаралық әуежайы

Уикипедия — ашық энциклопедиясынан алынған мәлімет
Jump to navigation Jump to search

Атырау халықаралық әуежайы - ашық акционерлік қоғам; 1974 жылы салынған. Қазақстанның батысындағы ең шеткі әуежай, республиканың әуе кеңістігі арқылы өтетін халықаралық маршруттар бірінің нақ жолында орналасқан. Атырау әуежайы тұрақты және чартерлік рейстер орындайтын отандық және шетелдік әуe компаниялары ұшақтарының ұшу шараларын жүзеге асырады. Атырау қаласы тұрақты рейстер арқылы Астана, Алматы, Ақтау, Ақтөбе, Орал, Қызылорда, Шымкент, Мәскеу, Баку, Ереван, Шарджоу, Стамбул қалаларымен байланысқан. Чартерлік рейстер бүкіл дүние жүзі бойынша рейстер жасайды. «Атырау халықаралық әуежайын ашық акционерлік қоғамы тез дамып келе жатқан компания. Бұл акционерлік қоғамның негізгі мақсаты қызмет көрсетудің жоғары деңгейін және ұшу қауіпсіздігін талаптарға сай қамтамасыз ете отырып, Батыс Қазақстан аймағында қажеттілігі жыл сайын артып отырған әye тасымалына деген суранысты қанағаттандыру. Осыған орай, қазіргі кезде әлемдік стандартқа сай, ІСАО II санаты бойынша жарық-техникалық жүйесімен жарақтанған жаңа ұшу-қону жолағын салу жұмыстары жүргізілуде. Бұл іс-шара Боинг-747, Боинг-757, Боинг-767, Ан-124, А-310, Ту-204/22- 1/234 т.б. әуе кемелерін ешбір шектеусіз және күрделі ауа райы жағдайында қабылдауға мүмкіндік беретін болады. Жаңа ұшу-қону жолағы салынып біткеннен кейін Атырау әуежайы арқылы ұшуға «Эйр Франс», «Люфт- ганза», «КЛМ», «Бритиш Эйрвейс» сияқты бүкіл дүние жүзіне аттары әйгілі әуе компаниялары ынталы болып отыр. [1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1