Атыспен қолдайтын кемелер жасағы

Атыспен қолдайтын кемелер жасағы (Отряд кораблей огневой поддержки) — артиллериялық және ракеталық қару-жарағы басым кемелердің уақытша қалыптасуы. Ол теңіз десантын түсіруді камтамасыз етуге немесе теңіз маңындағы бағытта әрекет жасаушы құрлықтағы әскерлерді қолдауға арналған. Атыспен қолдайтын кемелер жасағының негізгі міндеттері: десант түсірудегі атыс дайындығы және жағаға түсірілген әскерлер әрекетін атыспен қолдау, ал теңізге таяу бағыттағы құрлықтағы әскерлер шабуылын қолдау кезінде жалпы әскер командирінің (қолбасшысының) жоспары бойынша атыс тапсырмаларын орындау. Атыспен қолдайтын кемелер жасағының құрамы десант түсіру ауданының аумағына және карсыластың десантқа қарсы қорғаныс сипатына байланысты. Атыспен қолдайтын кемелер жасағы теңізден өту кезінде десанттың 1-эшелондағы жәрық ретінің құрамында немесе өз бетімен жүреді. Атыспен қолдайтын кемелер жасағы ұрыста десант түсіру үшін белгіленген атыспен маневр жасау ауданында жайылады. Өйткені онда карсыластың десантка карсы қорғаныс объектілеріне каруды тиімді қолдануға жағдай жасалады. Атыспен қолдайтын кемелер жасағының бірнеше десант түсіру өңірлері бар болса, олар жекеленген топтарға бөлінеді.