Аустрия-АҚШ қатынастары
 | |
 Аустрия |
 АҚШ |
Аустрия-АҚШ қатынастары — АҚШ пен Аустрия арасындағы екіжақты дипломатиялық қатынастар.
Тарихы
Аустрия империясы АҚШ-ты 1797 жылы, АҚШ-тың Триест қаласындағы консулымен қатынастар орнатылған кезде таныды. 1838 жылы Венада АҚШ министрі Генри Мюхленбергтің қатысуымен дипломатиялық қатынастар орнатылды. Бірінші дүниежүзілік соғыс кезінде АҚШ Аустрия-Мажарстан империясына қарсы соғысты. Аустрия-Мажарстан аумағында америкалық әскери тұтқындардың аз саны да болды.[1] 1921 жылы АҚШ Аустрия Республикасымен дипломатиялық байланыстарды қайта қалпына келтірді, ал 1938 жылы нацистік Германия Аустрия аумағын аннексиялағаннан кейін қатынастар үзілді. Екінші дүниежүзілік соғыс аяқталған соң төрт одақтас держава АҚШ, Ұлыбритания, Франция және Кеңес Одағы Аустрия мен Венаны төрт оккупациялық аймаққа бөлді. 1955 жылы осы төрт держава мен Аустрия Республикасы оккупацияны аяқтаған шартқа қол қойды, нәтижесінде Аустрия қайтадан еркін, тәуелсіз және бейтарап мемлекетке айналды. АҚШ Аустрия экономикасын қалпына келтіруде маңызды рөл атқарды, соның салдарынан екі ел арасында берік қатынастар қалыптасты.
Дипломатиялық өкілдіктер
- АҚШ-тың Вена қаласында елшілігі бар.[2] Аустриядағы АҚШ-тың уақытша сенімді өкілі Марио Мескита.
- Аустрияның Вашингтон қаласында елшілігі бар,[3] сондай-ақ Лос-Анджелес[4] пен Нью-Йорк[5] қалаларында бас консулдықтары жұмыс істейді. АҚШ-тағы Аустрияның төтенше және өкілетті елшісі Мартин Вайс.
Сауда қатынастары
Аустрия Еуропалық одақ пен Дүниежүзілік сауда ұйымының мүшесі болып табылады. Аустрия америкалық тауарларға жоғары кедендік баж салығын қолданбайды және АҚШ өнімдерін Еуропа нарығында өткізу үшін ауқатты нарық саналады.
Дереккөздер
- ↑ Verena Moritz, Julia Walleczek-Fritz Prisoners of War (Austria-Hungary). — 1914-1918-Online International Encyclopedia of the First World War, 2014. — doi:10.15463/IE1418.10374
- ↑ Homepage (ағыл.).
- ↑ Austria (ағыл.).
- ↑ Außenministerium der Republik Österreich Austrian Consulate General Los Angeles (ағыл.).
- ↑ Außenministerium der Republik Österreich Austrian Consulate General New York (ағыл.).