Афеляндра

Афеляндра
Aphelandra squarrosa
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Қос жарнақтылар (unranked) Asterids Сабы: Lamiales Тұқымдасы: Acanthaceae Тегі: Aphelandra R.Br.
түрлері
170 түрі белгілі

Афеляндра (лат. Aphelandra) – Acanthaceae тұқымдасына жататын бір не көп жылдық лиана тәрәздә өсімдіктер туысы. Афеляндра туысында 200-ге тарта түрі бар афеляндра тропикалық өсімдік болып саналады. Бұл өсімдіктің гүлі және сары жолақ жапырақтары өте әдемі. Бойының биіктігі 30-50 см аралығында болады. Өсуі өте жай. Көктем немесе жаз кезінде 6-8 апта аралығында гүлдейді. Сабақ басында алдымен сары түсті, ұзындығы 10-15 см-лік қауырсыны пайда болады. Гүлі осы қауырсынның ішінен өсіп шығады. Жақсы күтім көрсетілсе афеляндра 6-7 айдан соң қайталап екінші рет гүлдейді. Гүлдемеген кезінде де ала жапырақтары гүл секілді жайқалып тұрады.

Жарығы:

Жарықтың жақсы түскенін қалайды. Жарық мол болса, жапырағының көлемі де үлкен, гүлі де көп болады. Бірақ, тіке түскен күн сәулесінен жапырағының ұштары қоңырқай тартып, қурап кетеді.

Жылуы:

Ауа температурасы қыста 150С-дан төмен болмауы керек.

Суғарылуы:

Қыста азырақ, жазда молынан суғарады. Гүлдеген уақытта топырағының құрғамағаны абзал.

Ылғалдылығы:

Ауа құрғап кеткен жағдайда жапырақтары кішірейіп, түсіп қалады. Тропикалық өсімдік болғандықтан ылғалдылықты көп қажет етеді. Күніне бір рет жапырағына су бүркіп тұру керек.

Қоректендірілуі:

Қоректік зат жетіспеген жағдайда өсімдік гүлдемейді, өсімі жай болады. Сондықтан екі аптада бір рет гүлдейтін өсімдіктерге арналған тыңайтқышпен қоректендіру қажет.

Аурулары:

Жел өтінен сақтау керек. Жел өтінде қалса жапырақтарын түсіреді.

Көбейтілуі:

Қалемшелеу және тұқымы арқылы көбейтеді.

Сілтемелер

• Гүлстан, өсімдіктер туралы сайт Мұрағатталған 20 ақпанның 2012 жылы.

Дереккөздер

"Гүлстан" республикалық ғылыми-танмыдық, көпшілік журнал, 2010 жыл ISSN 2078-6727