Афон тауы

Уикипедия — ашық энциклопедиясынан алынған мәлімет
Мұнда ауысу: шарлау, іздеу
Афон тауының теңізден қарағандағы көрінісі

Афон тауы - (гр. Όρος Άθως, гр. Ἄθως) Македониядағы таудың әрі аралдың аты. Таудың биіктігі 2033 метрге жетеді. Тау «Қасиетті тау» деген атпен де белгілі. Грекияның әкімшілік аудандары жүйесінде «Қасиетті таудың дербес монахтық мемлекеті» деген атауға ие.

Мұндай ресми атауы болғанымең бұл жер өзінше дербес мемлекет емес, әлемдегі ең ірі православтық монахтық жүйе. 2001 жылы Афонның тұрғындары 2262 адам болған. Салыстырмалы түрде 1903 жылы Афон тауының тұрғындары шамамен 7432 адам, ал 1917 жылы 10500 адамға жетті. Афон монахтар тауының ерекше дәстүрі бойынша ол жерге әйелдер мен ұрғашы жануарлардың кіруіне тыйым салынған. Афон тауы - әрі географиялық нүкте әрі Ватикан сияқты діни мемлекет.

Тау қырлы жартастар мен қалың ормандардан тұрады. Ертеректе, пұтқа табынушылық заманда, бұл тау Аполлон ғибадатханасы арқылы белгілі болған. Кейінірек таудың ұшар басында Зевстің ғибадатханасы орын тепті. Ол грекше «Афос» деп аталған. Афон академиясы Ватопед монастыріне жақын орналасқан, ол жерде даңқты Космас Афанасий Париос және Церцоулас білім алған.

Салоника атты қаласында бірнеше туристік фирма жұмыс істейді. Бүгінде Афонда 20 монастырь бар. Қасиетті таудың жарғылық хартиясына сай 21-ші монастырьді ашуға тыйым салынған. Афон тауына баруға рұқсат алу өте қиын, дегенмен баруға болады. Бұл үшін тек қана грек визасын алу жеткіліксіз, сонымен қатар Қасиетті таудың губернаторының рұқсаты керек. Афондағы соңгы негізі қаланған монастырь - Ставроникита монастырі.[1]

Дереккөздер[өңдеу]

  1. Алматы: “Аруна” баспасы. 208 бет. Сер.:“1100 қызықты дерек”.