Ахметжан Шоңұлы

Уикипедия — ашық энциклопедиясынан алынған мәлімет
Jump to navigation Jump to search

Ахметжан Шоңұлы (1870-1932), болыс, ел басқару ісіне араласқан беделді адам болған. Қарағаш-Көнек болысында дүниеге келген. Руы Арғын ішінде Қарпық Тоқа бұтағы. Белгілі болыс Шоң Телғозыұлының баласы. Ахметжан орысша сауатты, өнерқұмар, қабілетті адам болған. Қарағаш болысын ағасы Оспаннан кейін 16 жыл, Кеңес өкіметінің алғашқы кезеңіне дейін басқарған. Жас кезінде күй тартып, өлең шығаратын өнерімен көзге түскен. Ел ішінде Ахметжанның «Өткіздім талай істі жастығымда» атты өлеңі белгілі. 1917 ж. дүние салған ағасы Оспанға, 1930 ж. ГПУ қызметкерлері жазықсыз атып кеткен баласы Әбдікәрімге арнап шығарған өлең-жоқтаулары болған. Бай тұқымы ретінде Сібірге жер аударылып, 1932 ж. аштықта қайтыс болған.[1]

Дереккөздер[өңдеу]

  1. “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9