Ахтанов көшесі (Алматы)

Көшеге қоғам қайраткері, Қазақстанның халық жазушысы, драматург, сыншы ғалым Тахауи Ахтановтың есімі (Алматы қаласы әкімінің 20.11.1997 № 698 шешімі) берілген. Ахтанов Тахауи (1923-1994) Ақтөбе облысында дүниеге келген. Ұлы Отан соғысына қатысқан. Ол - «Қаһарлы күндер», «Боран», «Ант» шығармалардың авторы. Қазақстан Жазушылар Одағына қарасты және басқару ұйымдарында әр түрлі жауапты қызметтер атқарған.

Көше Жетісу ауданында орналасқан. Көше Тобаяқов көшесінен басталып, Ломоносов көшесіне дейінгі аралықта орналасқан. Бұрынғы атауы - Выборгская көшесі. Көшенің ұзындығы - 1050 метр.