Ашшур (ассириялық тәңір)

Уикипедия — ашық энциклопедиясынан алынған мәлімет
Мұнда ауысу: шарлау, іздеу

Ашшур (Ассур) (аккад тілі B010ellst.png B011ellst.png) — соғыс тәңірі, жауынгер-тәңір, ежелгі ассириялықтардың Ұлы Құдайы.

Ашшур құдайының барельефі

Ассирияның астанасымен аттас, бастапқы кезде ассириялықтардың аңшылық тәңірі болып есептелетін. Көбінесе қолында садақ ұстаған аңшының түрінде немесе өгіздердің (ассириялықтардың киелі жануары) арасында жүргені бейнеленетін. Кейінрек, Ашшур Ассирияның астанасы болғаннан кейін, сонымен бірге көптеген соғыстар кезеңінде Ашшур жауынгер-тәңірі болып есептелді. Және оған бүкіл әлемнің жаратушы, құдайлардың атасы мәртебесі қосылды.

Ашшур қаласындағы ғибдатхананың аты Э-харсаг-кур-курра - ассириялық тілінен аударғанда "Әлемнің тауларының үйі" дегенді белгілейді. Ашшурдың жұбайы - Иштар әйел-тәңір. Жоғары абызы - Ассирияның патшасының өзі болған.

Дереккөздер[өңдеу]

  • “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998
  • М. Б. Ладыгин, О. М. Ладыгина Краткий мифологический словарь — М.: Издательство НОУ «Полярная звезда», 2003.

Тағы қараңыз[өңдеу]