Ашытқан капустадан дайындалған щи

Ашытқан капустадан дайындалған щи

Түсіндірме

Ашытқан капустадан дайындалатын щи адам организміне өте сіңімді әрі пайдалы. өйткені онда С витамині көп болады. Капуста ыдысқа салынады. Ірілері тез арада ұсақтап туралады. Әйтпесе, яғни тездетпесе тұздығынан ажыраған капустада С витаминінің құрамы бұзылады. Ашытқан капуста тым қышқыл болса, онда оны бір рет жуу керек. Ол үшін 1 кг капуста 1 литр салқын суға 1 – 3 сағат салынып қойылады. Содан соң суы төгіліп тасталады. Ал капуста онша қышқыл болмаса тұздығынан айырып – ақ пайдалана беруге болады. Бірақ ол тұздығынан тек тағам пісер алдында ғана айырылады. Сонымен, капуста кеңірек ыдысқа салынып, үстіне сорпа немесе ыстық су құйылады. Ыстық су құйылып, май және осы мақсатқа арналған томат пюресінің жартысы салынады да тез – тез араластырылып, отқа қойылып бұқтырылады. Капуста біркелкі қызған кезде от бәсеңдетіледі. Содан соң 2 – 2,5 сағат бұқтырылады. Бұқтыру кезінде капустадан ащы иіс шықса, ыдыстың қақпағы ашылып тасталады.

Дайындау әдісі

Пияз, сәбіз, петрушка тазаланып, ұсақтап туралады. Томат пюре қосылып, 4 – 5 минут қуырылады да, бұқтырылып жатқан капустаға салынып, жақсылап араластырылады. Ыдыстың қақпағы жабылып, одан әрі бұқтырылады. Сонда капуста өте жұмсақ болып шығуға тиіс. Дайындалған көкөніс қайнап жатқан сорпаға салынып, 10 – 20 минут тағы да қайнатылады. Содан соң щиге ақ тұздық құйылып, лавр жапырағы салынады. Бұрышталып, 5 – 10 минут тағы бір рет қайнатылады. Щи піскеннен кейін 15 – 20 минут оттан түсіріліп қойылады. Сонда щидің дәмі де, иісі де одан сайын жақсара түседі. Егер щиге ет салынатын болса, онда ол щидің сорпасына салынып, бір қайнатып алынады. Щи сорпасының дәмі сіңген еттің дәмі ерекше себіледі. Құрамы: 500 гр ет, 500 гр капуста, 2 – 3 сәбіз, петрушканың 2 – 3 жапырағы, 1 – 2 пияз, 1 ас қасық томат пюресі, 1 ас қасық бидай ұны, 2 қасық май, 4 ас қасық қаймақ, тұз бен бұрыш томатына қарай.