Ағынды коэффициенті

Ағынды коэффициенті (Коэффициент стока) — 1) алаптың ағынды қабатының (һ, мм) алап аумағына жауған жауын-шашын қабатына (х, мм) қатынасы (һ = һ/х). Жауын-шашынның мөлшері, ауаның салыстырмалы ылғалдылығы, топырақ ылғалдылығы, қардың еруі артқан сайын ағынды коэффициенті жоғарылайды да, топырақтың суды сіңіргіштігі мен өсімдіктердің жиілігі артқан сайын төмендейді. Бүл сипаттама аумаққа жауған жауын-шашынның қанша бөлігі ағынды қалыптастыруға камтылатынын көрсетеді;

2) көлем бірлігімен немесе қабаттың миллиметрлік өлшемімен өрнектелген жер беті ағындысы шамасының белгілі бір уақыт ішінде, белгілі бір алаңның өлшем бірлігіне түскен жауын-шашын көлеміне қатынасы. Қазақстанда ағынды коэффициенті 0-ден (Үстіртте) 0,6-0,8- ге (таулы аймақтарда) дейін құбылады.