Ақмарал Хайдарқызы Арыстанбекова

Ақмарал Хайдарқызы Арыстанбекова
Лауазымы
Ту 10-шы Қазақ КСР сыртқы істер министрі
қараша 1989 — желтоқсан 1991
Ізашары	Михаил Исиналиев
Ізбасары	Төлеутай Сүлейменов
Өмірбаяны
Білімі	ҚазҰУ
Ғылыми дәрежесі	Тарихи ғылымдарының докторы, Химия ғылымының кандидаты
Мамандығы	Қазақстан тұрақты өкілі: БҰҰ: 1992 — 1999 Қазақстан төтенше және өкілетті елшісі: Куба: 1996 — 1999 Франция: 1999 — 2003
Дүниеге келуі	12 мамыр 1948 (1948-05-12) (77 жас) Алматы, Қазақ КСР

Арыстанбекова Ақмарал Хайдарқызы (1948, Алматы) – қазақ және кеңес мемлекеттік қайраткері, Қазақстан Республикасының БҰҰ жанындағы тұңғыш тұрақты өкілі, Қазақ КСР Сыртқы істер министрі, Қазақстан Сыртқы істер министрлігінің 1-санатты Төтенше және Өкілетті елшісі, химия ғылымдарының кандидаты (1974) және тарих ғылымдарының докторы (1993).

Биографиясы

Арғын тайпасы Тобықты руының дадан бөлімінен шыққан.

Киров атындағы Қазақ мемлекеттік университетін тамамдап (1971), аспирантурасын (1974) бітірді. Кейін осы университетте кіші, аға ғылыми қызметкер (1974–78) болып жұмыс істеді.

Қазақстан ЛКЖО (комсомол) Орталық комитетінде бөлім меңгерушісі (1973–81); Қазақстан ЛКЖО ОК хатшысы (1981-1983) болып қызмет етті.

Шет елдермен достық және мәдени байланыс жөніндегі Қазақ қоғамы төрағасының орынбасары (1983–1989);

1989 жылғы қарашадан бастап 1991 жылғы желтоқсанға дейін Қазақ КСР-і Сыртқы істер министрі болып қызметті. 1990 жылы КСРО Президенті Горбачев Арыстанбекова Ақмаралға 1-санатты Төтенше және Өкілетті елші дипломатиялық рангын тағайындады.

1992-1999 жылдары Бірікке Ұлттар Ұйымы жанындағы Қазақстан Республикасының тұңғыш тұрақты өкілі болып жұмыс істеді. 1996–1999 жылдары Кубадағы Қазақстан Республикасының Төтенше және өкілетті елшісі қызметін қоса атқарды.

1999-2003 жылдары Франциядағы Қазақстан Республикасының Төтенше және өкілетті елшісі қызметімен қоса ЮНЕСКО жанындағы ҚР тұрақты өкілі болды. 2002 жылдан Халықаралық дипломатия академиясының вице-президенті (Париж), т.б. жауапты қызметтер атқарады.

1974 жылы «Кинетика и селективность гидрирования смесей органических соединений» тақырыбында кандидаттық диссертация, ал 2004 жылы «Казахстан и Организация Объединенных Наций: история, проблемы и перспективы» деген тақырыпта докторлық диссертация қорғады.

Қазақ КСР Жоғарғы Кеңесінің 11-шақырылым депутаты болды.

Марапаттары

• Құрмет ордені (1996);
• 2-дәрежелі "Достық" ордені (2018);
• "Қазақстан Республикасының сыртқы істеріне қосқан үлесі үшін" Нәзір Төрекұлов атындағы медаль (2008);
• Қазақстанның Тәуелсіздігіне 25 жыл медалі;
• Алматы қаласының құрметті азаматы;