Ақпараттық процестер

XX ғасырдың соңына қарай алдымен кибернетика, кейіннен информатика шеңберінде, әлемнің ақпараттық бейнесі құрыла бастады. Ақпаратты алу мен түрлендіру кез келген организмнің өмір сүру шарты болып табылады. Тіпті қарапайым бір клеткалы организмдердің өзі, өмір сүруге аса қолайлы жағдайды таңдау үшін мысалы, ортаның температурасы мен оның химиялық құрамы туралы ақпаратты қабылдайды. Кез келген тірі организм, оның ішінде адам, тұқым бойынша берілетін генетикалық ақпаратты тасымалдаушы болып табылады. Генетикалық ақпарат организмнің барлық клеткаларында, жеке бөліктерден тұратын ДНҚ молекулалары да сақталады. Әрбір ген организмнің нақты бір құрылу және қызмет ету ерекшеліктеріне жауап береді. Организм неғұрлым күрделі болса, ДНҚ молекулаларында да соғұрлым көп ген болады. 20 мыңнан аса әр түрлі гендерден тұратын адам геномын кері шифрлау жұмыстары компьютерлік технологияларды пайдалана отырып жүргізіледі. Ол 2009 жылы аяқталған. Адам баласы қоршаған ортаны сезім мүшелерінің көмегімен ақпаратты алады. Қоршаған ортаға дұрыс бейімделу үшін, ол алған мәліметтерді есте сақтайды. Қандай да бір мақсатқа жету процесінде адам баласы шешім қабылдайды. Ал басқа адамдармен қарым қатынас жасағанда ақпарат береді және қабылдайды. Адам баласы ақпараттық әлемде өмір сүреді. Ақпаратты алу, сақтау, өңдеу және берумен байланысты процестер ақпараттық процестер деп аталады. Олар: • Алмастыру (қабылдау, беру) • Сақтау • Өңдеу (түрлендіру, пайдалану) Ақпараттық процестер тек тірі табиғат, адам және қоғам үшін ғана емес, техникаға да тән ңасиет. Адам баласы ақпаратты автоматты түрде өңдеу үшін техникалық құрылғыларды, компьютерлерді жасап шығарды. Ауқымды компьютерлік желі ғаламтордың құрылуы. Әлемдік ақпараттың тұрғыдан зерттеу информатика шеңберінде жүзеге асады.

Дереккөздер

Информатика. Жалпы білім беретін мектептің 7 сыныбына арналған оқулық (Н.Ермеков, Н.Стифутина)