Ақсай кәсіптік-техникалық лицейі

Уикипедия — ашық энциклопедиясынан алынған мәлімет
Jump to navigation Jump to search

Ақсай кәсіптік-техникалық лицейі - Бөрлі ауданындағы бастауыш кәсіптік білім беретін оқу орны.

1958 жылы 26 желтоқсанда Буденовка селосында ауыл шаруашылығын механикаландыру мектебі ретінде ашылған. 1981 жылы ол Ақсай қаласына көшіріліп, Березовка, Бөрлі, Тұңғыш Успеновка, Ақсу, Пугачев селоларында филиалдарын ашты. Кейін оқу орнының атауы да, статусы да өзгерді. 1998 жылдан «№15 кәсіптік техникалық лицей» деп аталады.

Құрылғаннан бергі 43 жылдың ішінде лицей 14 мыңнан аса жұмысшы мамандар даярлаған. Қазір мұнда жеке автосервис ұйымдастырушысы, газбен, электрмен дәнекерлеуші, ауыл шаруашылығы өндірісі мастері, аспаз-бухгалтер, тігінші-бухгалтер, сондай-ақ дизельді генератор операторы, мейманханашы, бұрғылаушының көмекшісі, орта жене шағын бизнес иесі мамандықтары бойынша оқытады. Оқушыларға жоғары білімді, өндірістік тәжірибесі мол инженер-педагогтар сабақ береді, лицейдің материалдық оқыту базасы осы заман талабына сай жабдықталған.

Оқу орны түлектері арасынан Н.А.Бурмаков Соц. Еңбек Ері (1961) атанған. Лицей түлектері С.Шарупов, АМаняхан бокстан, Б.Кужербаев күрестен «спорт шебері» болды.[1]

Дереккөздер[өңдеу]

  1. Батыс Қазақстан облысы. Эндиклопедия. — Алматы: «Арыс» баспасы, 2002 ISBN 9965-607-02-8