Ақшатау (жота)

Уикипедия — ашық энциклопедиясынан алынған мәлімет
Навигацияға өту Іздеуге өту
Ақшатау жотасы
Сипаттамасы
Тау жүйесі

Сарыарқа

Пайда болған кезеңі

Палеозой

Ең биік шыңы

Қособа тауы

Биіктігі

1305 м

Орналасуы

48°21′03″ с. е. 79°23′18″ ш. б. / 48.35083° с. е. 79.38833° ш. б. / 48.35083; 79.38833 (G) (O) (Я)Координаттар: 48°21′03″ с. е. 79°23′18″ ш. б. / 48.35083° с. е. 79.38833° ш. б. / 48.35083; 79.38833 (G) (O) (Я) (T)

Елдер

 Қазақстан, Абай облысындағы Абай, Аягөз аудандары жерінде

Ақшатау жотасы (Қазақстан)
Ақшатау жотасы
Ақшатау жотасы (Абай облысы)
Ақшатау жотасы
 Басқа мағыналар үшін Ақшатау деген бетті қараңыз.
Ақшатау жотасы

Ақшатау жотасы Сарыарқаның оңтүстік-шығысындағы жота.

Географиялық орны[өңдеу | қайнарын өңдеу]

Абай облысындағы Абай, Аягөз аудандары жерінде, Шыңғыстау жотасының оңтүстігінде орналасқан.

Жер бедері[өңдеу | қайнарын өңдеу]

Солтүстік-батыстан оңтүстік-шығысқа қарай жалғаса созылып жатқан Қарақшы (биіктігі 1151 м), Жалтыртұмсық (биіктігі 1169 м), Қособа (биіктігі 1305 м) сияқты бірнеше жеке таулар мен шоқылар тізбегінен тұрады. Оларды Арсалаң, Ақшатау өзендерінің аңғарлары бөліп жатыр. Жотаның оңтүстік-батыс беткейі тіктеу, жартасты, биіктігі 1300 м-ден 1000 м-ге дейін күрт төмендейді. Солтүстік-шығыс беткейі еңістеу, бірте-бірте көлбеуленіп жазыққа айналады. Оңтүстігінен Балқыбек, Көксала, Қалғұтты, шығысынан Сарыбұлақ, солтүстігінен Шетембай, Терісайрық өзендері бастау алады.

Геологиялық құрылымы[өңдеу | қайнарын өңдеу]

Ақшатау жотасы палеозойдың кварцит, құмтас, әктас, конгломерат, эффузивті жыныстарынан құралған.

Өсімдігі[өңдеу | қайнарын өңдеу]

Жотаның жалпақ төбелері мен беткейлерінің қоңыр топырағында далалық өсімдіктер (қараған, тобылғы, тасжарған, т.б. бұталар) өседі. Сайларында шоқ қайың, көктерек, тал өседі. Мал жайылымына қолайлы.[1]

Дереккөздер[өңдеу | қайнарын өңдеу]

  1. Қазақстан Республикасының табиғаты туралы энциклопедия, V- том