Ақшоқы таулары (Қарағанды облысы)

Уикипедия — ашық энциклопедиясынан алынған мәлімет
Jump to navigation Jump to search

АқшоқыҚарағанды облысындағы таулар мен шоқылардың атауы.

  1. Үлкен Қарақуыс тауының оңтүстік сілемі. Қарқаралы ауданының оңтүстік-батысында. Солтүстік-шығыстан оңтүстік-батысқа қарай 5 км-ге созылып жатыр, енді жері 2,5 км. Абсолюттік биіктігі 1185 м. Тас көмір жүйесі жыныстарынан түзілген. Таулық қызыл қоңыр топырағында бетеге, жусан, шілік өседі;
  2. Қойтас тауының оңтүстік сілемі. Қарқаралы ауданының оңтүстік-батысында. Абсолюттік биіктігі 1148 м. Оңтүстік-батыстан солтүстік-шығысқа қарай 4 км-ге созылып жатыр, енді жері 2 км. Тас көмір жүйесі жыныстарынан түзілген. Түпкі жыныстары ашылған таулық қызыл қоңыр топырағында бетеге, қараған, тобылғы, түрлі шөп өседі;
  3. Сарықұлжа тауының солтүстік сілемі. Қарқаралы ауданының оңтүстігінде, Талды өзенінің сол сағасы – Ащыөзен өзенінің бастауынан батысқа қарай орналасқан. Абсолюттік биіктігі 1143 м. Солтүстіктен оңтүстікке қарай 4 км-ге созылып жатыр, енді жері 2 км. Тас көмір жүйесі жыныстарынан түзілген. Түпкі жыныстары ашылған таулық қызыл қоңыр топырағында негізінен бетеге, жусан, шілік өседі;
  4. Бүртас тауының оңтүстік-батыс сілемі. Қарқаралы ауданының оңтүстік-батыс шетінде орналасқан. Абсолюттік биіктіг 1084 м. Солтүстіктен оңтүстікке қарай 6 км-ге созылып жатыр, енді жері 4,5 км. Тас көмір жүйесі жыныстарынан түзілген. Таулық қызыл қоңыр топырағында бетеге, жусан, шілік және сұлыбас, қараған, түрлі шөп өседі;
  5. Түнқатар тауының орта сілемі. Қарқаралы ауданының шығысында. Абсолюттік биіктігі 960 м. Оңтүстік-батыстан солтүстік-шығысқа қарай 1 км-ге созылып жатыр, енді жері 600 м. Девон жыныстарынан түзілген. Түпкі жыныстары ашылған таулық қызыл қоңыр топырағында негізінен түрлі шөп, сұлыбас, бетеге және шілік, жусан, астық тұқымдас өсімдіктер өседі;
  6. Достар тауының сілемі. Қарқаралы ауданының шығысынан 37 км жерде. Абсолюттік биіктігі 940 м. Солтүстіктен оңтүстікке қарай 7 км-ге созылып жатыр, енді жері 5 км. Девон жыныстарынан түзілген. Қызыл қоңыр топырағында қараған, жусан, тобылғы, түрлі шөп өседі. Оңтүстік-шығыс беткейінен суы ащы Сарыөзен басталады.[1]

Дереккөздер[өңдеу]

  1. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5