Бадырақ (ру)

Бадырақ — Қазақ халқының құрамындағы ру. Шежіре бойынша, Ұлы жүздегі қаңлының сарыбота (қарақаңлы) тармағының оңбайынан өрбіген.

Оңбай—Қозы— Жасмырза. Жасмырзадан Бадырақ тарайды. Тарихи деректерде, аңыздарда Бақа — Бадырақ екі ру қатар айтылып, іргелес жүреді. Арғы ата-бабалары Жейхұн (Сейхұн) өзені алабын (біздің заманымыздан бұрын 5 — 8 ғасырларда) мекендеген. Көне Хорезм, Соғды, Кушан мемлекеттерінің негізін қаласқан рулардың бірі болған. Көне парсы және моңғол деректерінде Іле өзенінің бас жағын қоныстанған Қаңлы хандығы туралы айтылып, оның құрамында Бадырақ руы да аталады. Кейіннен Бадырақ Ұлы жүз тайпалар бірлестігіне енген. Ұраны — Бәйтерек, таңбасы — шылбыр.