Байбоз Қилыбаев

Байбоз Қилыбаев (1897 – 1988) – партия, кеңес қайраткері, халықаралық қатынастардың білікті маманы.

• Қазан төңкерісі қарсаңында күнкөріс қамымен Астраханға барып, 15 жасында Руковишников деген кәсіпкерге жалданады.
• Астраханда жүріп рев, қозғалысқа қатысады.
• 1916 жылы Ташкенттегі мұғалімдер семинариясында оқыған.
• Қызыл ротаға мүше болады, одан кейін халық ағарту бөлімін басқарған.
• Мәскеудің Халықаралық сауда институтын бітірген (1936)
• Бірнеше шет тілдерін: ағылшын, неміс, француз және араб тілдерін жетік білген.
• 1920 жылдан уездік ревком, округтік аткомның төрағасы болды.
• 1927 жылы Кеңестердің 4-съезіне делегат, Қазақстан тұтынушылар қоғамының инспекторы болды. КСРО сыртқы сауда Халық комиссариатының Қытайдағы төтенше өкілі
• Гурьевтегі (қазіргі Атырау) балық-консерв комбинатының директоры (1937)қызметтерін атқарған.
• 1930 жылы Форт-Шевченкода ашылған тұңғыш қазақ мектебі Қилыбаев атымен аталған.
• Кейін «Халық жауы» аталған соң С.М. Киров аты берілген.
• 1937 жылы қуғын-сүргінге ұшырап, ату жазасына кесілді. Алайда бұл жаза 18 жыл түрмеде отырылумен ауыстырылды.
• 1946 жылы босанып, көмір тресінде, аудандық қаржы бөлімінде басшысы болып қызмет істеді.
• Ленин орденінің және бірнеше медаль, Құрмет грамоталарының иегері.