Байбота Серікбаев

Байбота Серікбайұлы Қошым-Ноғай (1993 ж. д. аты-жөні: Байбота Серікбаев) (8.5.1954 жылы туған, Қызылорда облысы Жаңақорған ауданы, Бесарық ауылы (бұрынғы "Талап" кеңшары) - ақын, аудармашы

Қазақ ұлттық университетті бітірген (1977).

1978-1988 жылдары "Жалын" баспасында редактор, аға редактор, "Мәдениет және тұрмыс" (қазіргі "Парасат") журналында, "Ана тілі" мен "Қазақ елі" газеттерінде әдеби қызметкер, бөлім меңгерушісі, бас редактордың орынбасары, "Жазушы" баспасының жетекші редакторы қызметтерін атқарған.

Алғашқы өлендер жинағы "Тұңғыш кітап" 1977 жылы жарық көрді. "Тіршілік ұясы" атты кітабы үшін Қазақстан Ленин комсомолы сыйлығының лауреаты атанды (1988).

Б.Қошым-Ноғай (Б.Серікбаев) армян ақыны С.Капутикянның "Маша сурет салады" (1983), орыс ақыны Е.Благининаның "Шинельді неге сақтап жүрсің?" (1985) кітаптарын қазақ тіліне аударды. Көптеген шетел ақындарының өлеңдерін ана тілімізде сөйлетуге атсалысты.

Шығармашылығы

• Тұңғыш кітап. Өлеңдер. А., 1977;
• Гүлдерайым. Өлеңдер. А., 1979;
• Жұлдызым жоғары. Өлеңдер, балладалар, поэмалар. А., 1981;
• Қуыршағым бар менің. Өлеңдер мен ертегілер. А., 1984;
• Тіршілік ұясы. Өлеңдер, балладалар, поэмалар. А., 1987;
• Таңертеңгі тәтті түс. Өлеңдер, жұмбақтар, жаңылтпаштар, ертегілер. А., 1989;
• Жариям айдай. Өлеңдер, балладалар, поэмалар. А., 1992;
• Жүректің көзі ашылса. Өлеңдер, балладалар, поэма. А., 1993;
• Сымбат салған суреттер. Суретті кітапша. А., 1996;
• Сам жамыраған шақ. Лирикалық дилогия. ACT., 2001;
• Тіл ұшындағы тарих. Алғыр оқырмандар кітабы. А., 2003;
• Таңғажайып түс. Өлеңдер, жұмбақтар, жаңылтпаштар, ертегілер. А., 2003;
• Мүшел. Суретті кітапша. А., 2004;
• Он екі қонақ. Суретті кітапша. А., 2004;
• Тәңірі таразысы. Бақ пен сор кітабы. Өлеңдер, балладалар, рубаилар, сонеттер. А., 2005;
• Мамандықтың бәрі жақсы. Суретті кітапша. А., 2006;
• Таниды екен, кәне, кім өз мінезін, әдетін. Мазақтамалар. Суретті кітапша. А., 2006;
• Жол әліппесі. Суретті кітапша. А., 2006;
• Сауат ашу, оқу және жазу. №1 бөлімі. (Светлана Трофимовамен бірігіп жазған). А., 2007; (2008, 2009 жж. қайта басылды);
• Сауат ашу, оқу және жазу. №2 бөлімі. (Светлана Трофимовамен бірігіп жазған). А., 2007; (2008, 2009 жж. қайта басылды);
• Екі томдық шығармалар жинағы. Бірінші том. “Тағдыр тамызы”. АСТ., 2008;
• Екі томдық шығармалар жинағы. Екінші том. “Сам жамыраған шақ”. АСТ., 2008;
• Әдемі әліппе . Суретті кітапша. А., 2009;
• Алғашқы мүшел. Өлеңдер, тақпақтар, санамақтар, мазақтамалар, жұмбақтар, жаңылтпаштар, ертегілер. АСТ., 2010;
• Жұмақ нұры. Өлеңдер, сонеттер, балладалар. А., 2011;

Дереккөздер

Қазақстан жазушылары. Анықтамалық. Алматы: 2009.

Bold text