Баймұханбет Мәдиұлы Дүйсембаев
Баймұханбет Мәдиұлы Дүйсембаев (1954 жылы туған, Бейнеу ауданы) – ғалым, физика-математика ғылым кандидаты (1989).
ҚазМУ-ды бітірген (1976). 1976 – 91 жылы Гурьев педагогикалық институтында (қазіргі Атырау университеті) оқытушы сонымен қатар ҚазМУ-да аспирант (1980 – 85) болды. 1991 – 97 жылы Ы.Алтынсарин атындағы ғылыми-зерттеу институтында (қазіргі Білім академиясы) лаборатория меңгерушісі, директордың орынбасары қызметін атқарды. 1997 – 2000 жылы Қазақ көлік және коммуникациялар академиясының Ақтаудағы бөлімшесінде директор болды. 2007 жылдан «Қазақстан темір жолы» Ұлттық компаниясы АҚ-ның Маңғыстау жол бөлімшесінде мамандар бөлімінің бастығы.
Дүйсембаевтың ғылыми жұмыстарының бағыты ғарыш сәулелерінің жалпыиондық құраушыларының вариацияларын анықтауға арналған. Ол орта білімді мектепте физика пәнін оқыту бағдарлама авторларының бірі. Дүйсембаев ғарыштық физика мен білім беру мәселелеріне арналған 50-ден астам ғылыми-әдістемелік мақалалар жариялады. Осы күні мектепте қолданылып жүрген 8-сыныптың «Физика мен астрономия» оқулығының, 4 оқу және оқу-әдістемелік құралдардың авторы.[1][2][3]
Дереккөздер[өңдеу | қайнарын өңдеу]
- ↑ «Маңғыстау» энциклопедиясына, Компьютерлік-баспа орталығы, 2007
- ↑ «Қазақ Совет энциклопедиясы» (12 томдық), Алматы, 1972 – 1978
- ↑ Маңғыстау энциклопедиясы, Алматы, 1997
 | Бұл мақаланы Уикипедия сапа талаптарына лайықты болуы үшін уикилендіру қажет. |
 | Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |