Бактериоз

Уикипедия — ашық энциклопедиясынан алынған мәлімет
Jump to navigation Jump to search
A.

Бактериоз — өсімдіктің бактериялар қоздыратын жұқпалы ауруы. Бактериозбен мақта, темекі, картоп, капуста, қияр, ас бұршақ, бидай, арпа, сұлы, т.б. ауыл шаруашылық дақылдары жиі ауырады. Бактериоз өсімдік тамырын (тамыр шірігі), паренхима ұлпаларын (шірік, дақ, күйік түрінде) және сабақ түтікшелерін (түтікше аурулары) зақымдайды. Кейде өсімдік рактарын, ісіктерін тудырады. Бактериоздың қоздырғыштары — Mycobacterіaceae, Pseudomonadaceae, Bacterіaceae тұқымдасына жататын спора түзбейтін бактериялар. Олар аса улы болып келеді, сондықтан бір мезгілде бірнеше өсімдік түрін ауыртады. Мысалы, ылғалды шірік бактериясы картоп, капуста, жуа, сәбіз, темекі Бактериозын және жеміс-жидек, жүзім ағаштарының ісігін тудырады. Бактериоз қоздырғыштары тұқыммен, ауру өсімдіктің қалдықтарымен, жаңбыр тамшыларымен, жәндіктермен, т.б. тарайды. Бактериозды болдыртпау үшін тұқымды, көшеттерді, қалемшелерді бактерицидтермен, антибиотиктермен дезинфекциялау, жылыжайды, көшетхананы, топырақты залалсыздандыру қажет. Ауру өсімдіктерді жойып, қоректендіру және суғару тәртібін дұрыс сақтау керек.[1]

Дереккөздер[өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, II том;