Балалар мебелі

Балалар мебелі

Балалар мебелі - кәдімгі мебельден көлемі жағынан ғана емес, сыртқы түрі жағынан да өзгеше болып келеді. Балалар мебеліне тән сипат — оның әртүрлі мақсатқа пайдаланылатындығы.

Мебельді пайдалану мерзімін ұзарту үшін балалар мебелінің кейбір үлгілерін жасағанда, пайдалану барысында, оның биіктігі мен ұзындығын баланың бойына қарай өзгертіп отыруға болатындай орын әзірлегенде де естен шығармау керек. Сәбилерге арналған мебельдер — қоршау бесіктер мен кереуетшелер. Сәбилердің қоршау бесіктерінің кейбір үлгілері түтікті пластмасса элементтерінен жасалған негізгі кереге түрінде болып келеді де, оларға қоршау ретінде созылмалы торды керіп байлайды. Қоршауды бесіктің мұндай конструкция қолайлы, өйткені оны оп-оңай-ақ орнын ауыстырыл қоюға, бұзып жинауға болады және бөлмеде көп жер алмайды.

Мектеп жасына дейінгі балаларға

Мектеп жасына дейінгі балалар үшін кішкентай стол мен орындық керек. Оны сурет салған да, зейін қоюды талап ететін ойын ойнағанда, мысалы балаларға арналған конструкторды құрастырғанда пайдаланады. Бұл мақсаттар үшін суретте көрсетілген кішкентай стол өте қолайлы. Столдың жоғары көтерілетін қақпағының астыңғы беті бермен сурет салатын тақта ретінде пайдаланылады. Оның асты майда ойыншықтар, қалам-қарындаш, бояу пластилин салатын қорапшаларға бөлінген. Столдың астына ірі ойыншықтарды сақтайтын екі жәшік (аяғына дөңгелек орнатылған) орналастырады, оларды жинау оңай. Мұның өзі балаларды ұқыптылыққа үйретеді.

Мебелдің құрастырмалы түрі

Балалар мебелінің құрастырмалы түрін пайдаланған да тиімді, оның құрамында әртүрлі қажетке пайдаланылатын түрліше жиналмалы заттар (кішкене шкафтар, ойыншықтар салатын қобдишалар, отырғыштар) болады. Мұның өзі балалар бөлмесінің ішкі көрінісін түрлендіру мүмкіндік береді, оларды құрастырудың өзін ойынға айналдыруға болады (мұндай мебель құрастыру конструктор ойының еске түсіреді). Кішкене және ересек балаларға арналған мебель жиынтығының құрамына әдетте диван-кереует, кітаптар, көйлек-көншек пен іш киім салатын құрастырмалы шкаф, жұмыс столы мен секретер енеді. Мұндай жиынтықтардың секциялық конструкция неғұрлым қолайлы келеді. Пәтердің өзге бөлмелеріне арналған секциялық мебельге қарағанда балалар мебелінің секциялары біраз тайыздау, аласалау етіп жасалады. Гигиеналық сапасын арттыру үшін балалар мебелін әдетте нитроэмальмен немесе түссіз лакпен сырлайды, балалар мебелін әрлеуде ашық түсті бояулар елеулі роль атқарады.