Балантак

Уикипедия — ашық энциклопедиясынан алынған мәлімет
Jump to navigation Jump to search
Балантак
миан балантак
COLLECTIE TROPENMUSEUM Een Balantak vrouw Centraal-Celebes TMnr 10005746.jpg
Бүкіл халықтың саны

40 000

Ең көп таралған аймақтар

Индонезия Индонезия

Тілдері

Балантак тілі, индонезия тілі

Діні

Дәстүрлі нанымдарды ұстанады, христиандар мен мұсылман-сүнниттер

Балантак (өз атауы миан балантак) — Индонезияда тұратын халық. Жалпы саны 40 мың адам.[1] Олар Сулавеси аралының шығысында, сондай-ақ Бангай әкімшілік аймағындағы Бангай архипелагының солтүстігінде тұрады.

Тілі[өңдеу | қайнарын өңдеу]

Балантак тілі – балантактардың негізгі тілі. Халықтың 90%-ы индонезия тілін жақсы меңгергенімен, бұл тіл күнделікті өмірде әлі де кеңінен қолданылады және балалардың көпшілігі мектепке барар алдында балантак тілінде ғана сөйлейді.

Діні[өңдеу | қайнарын өңдеу]

Дәстүрлі нанымдарды ұстанады, сонымен қатар христиандар мен мұсылман-сүнниттер бар.

Кәсібі[өңдеу | қайнарын өңдеу]

Негізгі кәсібі – қолмен атқарылатын егіншілік (құрғақ күріш, ямс, таро, тары т.б.). Кокос пальмасы экономикада үлкен маңызға ие. Қолөнердің ішінен ұсталық және тоқыма бұйымдарын жасау белгілі. Олар ұштары уланған жебелерді қолданып, қақпан, найза және мылтықтарды қолданып, иттермен бірге қабандарды, қалталы жануарларды, құстар мен кеміргіштерді аулайды. Жағалауда балық аулау дамыған. Дәстүрлі қоныстар шашыраңқы, бамбук пен саго пальмасынан жасалған қада үйлерде тұрады.[2]

Өмір салты[өңдеу | қайнарын өңдеу]

Әрбір субэтникалық топтың өзіндік ата-тегі және аумағы бар эндогамиялық қауымдастықтардан (қоныстардан) тұрады. Қауымдастықтар мен этникалық топтарды ауылдың негізін қалаушыдан немесе осы аумаққа алғашқы қоныстанушылардан шыққан ру мүшелері басқарады. Отбасы шағын, некеге дейінгі жыныстық қатынас еркіндігі бар. Қыздан күйеу жігіттің ата-анасы некеге келісімін сұрайды. Қалыңдық құны той кезінде төленеді. Неке үш жыл бойы матрилокальды, яғни күйеуі әйелінің үйіне барады; содан кейін неолокальды - күйеуінің ата-анасынан да, әйелінің де ата-анасынан да бөлек тұрады.[3]

Киімдері ерлерге арналған еуропалық үлгідегі киім, әйелдер - саронг киеді. Тағамының негізі – күріш.

Дереккөздер[өңдеу | қайнарын өңдеу]

  1. Современная энциклопедия - балантак http://www.terminy.info/literature/modern-encyclopedia/balantak
  2. Әлем халықтарының энциклопедиясы. Балантак http://www.etnolog.ru/people.php?id=BALN
  3. БАЛАНТАК, миан балантак (самоназвание), народ в Индонезии https://multiurok.ru/index.php/blog/balantak-mian-balantak-samonazvaniie-narod-v-indoniezii.html