Балдырған (цирк)

Цирк.

Клоун.

“Балдырған” — балалар циркі. 1968 жылы Целиноград (қазіргі Астана) қаласында ұйымдастырылған, ал 1972 жылы халық циркі атағына ие болды. Цирк құрамында — студенттер және мектеп оқушылары өнер көрсеткен. С. Әубәкіров, Ә.Рақымжанов, С.Шынтаева, Д, Елтаева, А. Әдіғалиева, т.б. “Балдырған” балалар циркінің дарынды өнерпаздары республикаға танымал болды. “Балдырғанның” көркемдік жетекшісі — Қазақстанның еңбек сіңірген мәдениет қызметкері В.Д. Анисин (1968 жылдан); балетмейстері — Ғ. Ерғалиева, музыка жетекшісі — С. Өзденбаев. Цирк ұжымы “Артек” пионер лагерінде, Қарағанды, Теміртау, Шымкент, Бішкек және Алматыда өнер көрсетті. Қазақ теледидары 1981 жылы осы ұжым туралы “Достық аренасы” деген атпен фильм түсірді.

2)Балдырған - балалар циркі. Целиноград (қазіргі Астана) қаласында 1968 ж. ұйымдастырылған. 1972 ж. халық циркі атағына ие болды. Цирк құрамында - студенттер мен мектеп оқушылары өнер көрсеткен. С.Әубөкіров, Ә.Рақымжанов, С.Шынтаева, Д.Елтаева, Ә.Әбдіғалиева, т.б. "Балдырған" балалар циркінің дарынды өнерпаздары республикаға танымал болды. "Балдырғанның" көркемдік жетекшісі- Қазақстанның еңбек сіңірген мәдениет қызметкері В.Д.Анисин (1968 жылдан); балетмейстері-Ғ.Ерғалиева, музыкалық жетекшісі - С.Өзденбаев. Цирк ұжымы "Артек" пионер лагерінде, Қарағанды, Теміртау, Шымкент, Бішкек және Алматыда өнер көрсетті. Қазақ теледидары 1981 ж. осы ұжым туралы "Достық аренасы" деген атпен фильм түсірді.

3) Балдырған – сәби жасынан асқан (6-9 жастағы), ойын дамытуға, оқуға құлшынған, мінез-құлқының әдептілік, имандылық көріністері сүйсіндіретін бала. Балдырған кезінде баланың қызығушылығы, әсерленгіштігі артықша болады да, тәрбиені, білімді терең қабылдайды. Оқуға, ойнауға, ізденуге құмар болады, әдептілігі қалыптасады.