Балиліктер

Уикипедия — ашық энциклопедиясынан алынған мәлімет
Jump to navigation Jump to search
A.
Балиліктер.

БалиліктерИндонезияның Бали, Ломбок аралдарын мекендейтін халық. Жалпы саны 4 млн-ға жуық адам (1995). Моңғолоид нәсілінің оңтүстік азиялық тобына жатады. Жазуы латын әліпбиіне негізделген. Индуизм дінін ұстанады. Негізгі кәсібі — егіншілік: күріш, бұршақ, жүгері, какос пальмасы, шай, кофе, темекі өсіреді. Балиліктердің жазба әдебиетінің негізі ерте қаланған. Көне заманда пальма жапырағына жазылып, қазірге дейін сақталған кітабы “лонтары” деп аталады. Ұсталық, зергерлік, құмыра жасау дамыған. Ағаштан, тастан ойып жасалған әр түрлі бұйымдары, ұлттық музыкасы мен би өнері арқылы көп танымал. Балиліктер шатырлары үшбұрышты құрақ пен саманнан, кірпіштен, тастан тұрғызылған түрлі үлгідегі үйлерде тұрады. Әсем архитектуралы ғибадатханалары бар. Ерлер де, әйелдер де юбка тәрізді тігілген камбен, каин және жейде киеді. Негізгі ұлттық тағамдары — күріш, шошқа мен құс еттері.[1]

Дереккөздер[өңдеу | қайнарын өңдеу]

  1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, II том;