Балташ Молдабайұлы Тұрсымбаев

Уикипедия — ашық энциклопедиясынан алынған мәлімет
Jump to navigation Jump to search

Балташ Молдабайұлы Тұрсымбаев (24 қазан 1946 жылы туған, Ресей, Омбы облысы Кіші Боранкөл ауылы) – саясаткер, 1-сыныпты Төтенше және өкілетті елші. Омбы ауыл шаруашылық институтын бітірген (1969). 1969 жылдан Солтүстік Қазақстан облысында зоотехник, бас зоотехник, Преснов аудандық ауыл шаруашылық басқармасы бастығының орынбасары қызметтерін атқарды. 1975 – 80 жылдары сонда “Жамбыл” кеңшарының директоры, 1980 – 83 жылдары Бишікөл аудандық партия комитетінің 2-хатшысы, 19831986 жылдары Целинный аудандық партия комитетінің 1-хатшысы, 1986 – 89 жылы Солтүстік Қазақстан облысы атқару комитетінің төрағасы, 19891990 жылдары Қазақ КСР-і Мемлекеттік агрокешен комитетінің төрағасы болды. 1990 – 91 жылдары ауыл шаруашылық, азық-түлік және экология жөніндегі Қазақ КСР-і мемлекеттік кеңесшісі, 19911992 жылдары Қазақ КСР-і премьер-министрінің орынбасары, 1992 – 1993 жылдары Ауыл шаруашылық министрі, 1993 – 1995 жылдары Қостанай облысы әкімі, 19951996 жылдары ҚР Қауіпсіздік кеңесінің хатшысы, 1996 – 98 жылдары елші, 1998 – 99 жылдары ҚР Премьер-министрінің орынбасары қызметтерін атқарған. 1999 жылдан жеке кәсіпкерлікпен айналысады.

Құрмет белгісі” орденімен, бірнеше медальдармен марапатталған.

Әскери атағы[өңдеу]

Әскери атағы - запастағы полковник.

Діни көзқарасы[өңдеу]

Діни көзқарасы - алдыңғы қатарлы ислам дінінің жақтаушысы.

Қазақстанның болашағы туралы болжамы[өңдеу]

Қазақстанның болашағы туралы болжамы - «Зайырлы, демократиялық дамыған мемлекет».

Саяси қайраткер ретіндегі идеалы[өңдеу]

Саяси қайраткер ретіндегі идеалы - М.К. Ататүрік.

Хоббиі[өңдеу]

Хоббиі - балық аулау.

Сүйіп оқитын әдебиеті[өңдеу]

Сүйіп оқитын әдебиеті - әлемдік классика.

Үй жағдайы[өңдеу]

Үйленген. Жұбайы - Тұрсымбаева Күләш Сәрсенбекқызы. Ұлы және қызы бар.

Сілтемелер[өңдеу]

«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, VIII том