Балықтыкөл (көл, Қарағанды облысы)
Балықтыкөл | |
Морфометрия | |
---|---|
Өлшемі | 6,8 × 6 км |
Ауданы | 26,5 км² |
Тереңдігі | 3,8 м |
Су алабы | |
Суды жинау ауданы | 565 км² |
Құятын өзен | Өзденбай |
Орналасуы | |
49°47′12″ с. е. 75°56′19″ ш. б. / 49.78667° с. е. 75.93861° ш. б. (G) (O) (Я)Координаттар: 49°47′12″ с. е. 75°56′19″ ш. б. / 49.78667° с. е. 75.93861° ш. б. (G) (O) (Я) | |
Ел | Қазақстан |
Аймақ | Қарағанды облысы |
Аудан | Қарқаралы ауданы |
Балықтыкөл — Ертіс алабындағы тұйық көл.
Географиялық орны[өңдеу | қайнарын өңдеу]
Қарағанды облысының Қарқаралы ауданында, Қоянды ауылынан оңтүстік-шығысқа қарай 17 км жерде орналасқан.
Гидрографикасы[өңдеу | қайнарын өңдеу]
Ауданы 26,5 км2, ұзындығы 6,8 км, ені 6 км, ең терең жері 3,8 м, су жиналатын алабы 565 км2. Солтүстік-батыс және шығыс жағалаулары жайпақ, қалғандары - тік жарлы. Көлдің оңтүстік-шығысында ұзындығы 2,5 км, ені 0,7 км түбек бар. Балықтыкөл қар, жауын-шашын және жер асты суларымен толығады. Көлге солтүстігінен Өзденбай өзені келіп құяды, солтүстік-батыс жағалауынан 2 км жерде Қарасор көліне құятын Талды өзені ағып өтеді. Суының ең жоғары деңгейі - сәуірде, төменгісі - қазан айында байқалады. Қарашада қатып, сәуірде мұзы ериді. Суы тым кермек. Түбі құмдақ, тұнба батпақты.
Өсімдігі, балықтары[өңдеу | қайнарын өңдеу]
Жағалауында бетеге, көде, жусан, ши, қараған, құрақ өседі. Мөңке және табан балық кездеседі. Жазда көлге құстар ұялайды.[1]
Дереккөздер[өңдеу | қайнарын өңдеу]
- ↑ Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |