Бангиліктер

Уикипедия — ашық энциклопедиясынан алынған мәлімет
Навигацияға өту Іздеуге өту
Bangiophyceae
Porphyra umbilicalis
Porphyra umbilicalis
Ғылыми топтастыруы
Әлемі: Эукариоттар
Жамағаты: Қызыл балдырлар
Табы: Бангиліктер

Бангиліктер (лат. Bangiophyceae) - Қызыл балдырлар (лат. Rhodophyta) жамағатының бір табы. Бангиліктерге 24 туысқа бөлінетін 90 түрлі бір жасушалы және көп жасушалы жіпше немесе платинка тәрізді балдырлар жатады.

Бангиліктердің басқа қызыл балдырлардан айырмашылығы - бұлардың бір ядролы жасушасының жұлдыз тәрізді бір ғана пиреноидты хроматофоры болады және жасушалары өзара саңылау арқылы жалғаспайды. Бір жасушалы бангиліктер екіге бөлініп, көп жасушалы әдетте жыныссыз жолмен - моноспоралармен, тек кейбіреулері жынысты жолмен көбейеді. Вегетативті жасушалардың бірінде аталық жыныс жасушасы - карпогендер дамиды. Ұрықтанудан пайда болған зигота 4-тен 64-ке дейін карпоспораға бөлінеді, оның ішінде редукциялысы да бар.

Бангиліктер топырақ бетінде, тұщы суда және теңізді кездеседі. Қазақстанда тасты, қия жерлерде өседі[1].

Дереккөздер[өңдеу | қайнарын өңдеу]

  1. Қазақ Совет энциклопедиясы/Бас редакторы М.Қ.Қаратаев - Алматы, 1972, 2 том