Банджарлар

Уикипедия — ашық энциклопедиясынан алынған мәлімет
Jump to navigation Jump to search

Банджарлар — халық.


Индонезияның Калимантан аралының оңтүстігінде және Малайзияда тұрады, саны 3,15 млн. (1992), Индонезияда 3 млн. Оңтүстік-Азия нәсіліне жатады, малай тілінің диалектісінде сөйлейді, діні — мұсылман-суннит.

Банджарлар қоныс аударып келген явандықтар, бугис, араб, даякмандардың араласуынан пайда болып, қалыптасқан. 19 ғасырда голландықтар басып алған Банджермашы сұлтандығы 1949 жылы Индонезия құрамына кірді.

Негізгі кәсібі — егіншілік, балық аулау және сауда. Күріш, жүгері, кокос және жаңғақ пальмаларын, көкөніс, жеміс-жидек, каучук өсіреді. Ротанг, ағаш шайырын, орман каучугын жинайды, балық, креветка, краб аулайды. Күш-көлік ретінде буйвол ұстайды, үйрек, тауық өсіреді. Ағашқа өрнек салу, ротанг пен қамыстан кәрзеңке, төсеніш тоқу, қайық, сал жасау, зергерлік сияқты қолөнері дамыған. Алтын, алмас кенінде, ағаш дайындау мен орман шаруашылығында, металл өнеркәсібінде, порттарда жұмыс істейді. Банджарлар жол бойына, өзен, теңіз жағалауына шоғырланған ауылдарда, шағын қалашықтарда тұрады. Төрт бұрышты, шатырлы, ағаш немесе бамбуктан жасалған верандалы үйлері мықты бағаналарға орнатылады. Ерлер жағасыз, етек-жеңі мол жейде (саронг), кең қалпақ немесе барқыттан тігілген мұсылман тақиясын, әйелдер каин мен саронг қалпақ киеді. Тағамдары — күріш, балық, үйрек еті, әр түрлі соустар қосылған жұмыртқа. Отбасы шағын болады. Жер жеке меншік иелерінің қолында. Қауымдық жер иелену және қауымдық өзара көмек дәстүрі сақталған. Мәдениетінде явандықтардың ықпалы басым.[1]

Дереккөздер[өңдеу]

  1. Қазақ Энциклопедиясы