Бапишев Асқар

Бапишев Асқар (1953 жылы 14 шілдеде Алматыда дүниеге келген) – телережиссер, продюсер.

Алматы қаласындағы Құрманғазы атындағы консерваторияны, Халықаралық Мәскеу телевидение және радиохабарларын тарату институтын бітірген. 1977-79 жылдары Қарағанды қалалық С.Сейфуллин атындағы облыстық драма театрында бірнеше спектакльдерді сахналаған. 1977-95 жылдары Қазақ теледидарының жастар, музыка және әдеби-драмалық хабарлар Бас редакциясында режиссер, аға режиссер, бас режиссер, көркем бейнефильмдер бөлімінде режиссер, Телерадио комитеттің Бас басқармасында кеңесші, министрлікте маркетинг, әлеуметтік зерттеу және ақпаратты іздестіру бөлімінің бастығы болып істеді.

1995-2005 жылдары Президент Телерадио кешені Алматы бөлімшесінің жетекшісі қызметін атқарды. Қазір "ALDONGAR Productions (Kazakhstan)" кинокомпаниясының қоюшы-режиссері. Қазақ теледидарында істеген жылдары І.Жансүгіровтың поэмасы бойынша "Күйші" телеқойылымын сахналады. Ойын фильмдерін Д. Нақыпованың сценарийі бойынша "Менің досым Маугли", Самойленконың повесі бойынша қазақ ауылының ауыр халін және бас кейіпкердің өміріне қауіп төндірген хирургтің кінәсін суреттеген "Диагноз" қойылымын сахнаға қойды.

Бірнеше деректі-танымдық телефильмдерді: қазақ ою-өрнегінің құпиясы туралы "Войлочная книға", жерлеу киімінің этнографиясы мен Ленинградтағы Алтын жауынгер жайлы көрмеден "Эрмитаждағы Алтын Жауынгер", Алматы қаласының тарихы жайлы "Бұл менің қалам", Каспий теңізінен мұнай мен газ өндірудің халықаралық проблемасына арналған "Каспий маңы аймағы", Халық артисі Тамара Жаңқұлова мен оның қиын өмірі туралы "Тамара", көркем суретші Бақыт жайлы – "Натура VITA", халық суретшісі Жанат Шәрденов шығармашылығынан "Аспанмен таласқан таулар", Нұрғиса Тілендиевтің орындаушылық қабілеті туралы "Нұрғисаның домбырасы", т.б. телефильмдерді экранға шығарды.

"Лики Евразии диалог культур" сериясымен, бес ғылыми-публицистикалық фильм үшін Мәскеуде өткен Халықаралық (26 ел қатысқан) 9-ншы телефорумның лауреаты, Ялта кинофестивалінде О.Сулейменовтың "АЗиЯ" кітабының ғұмыры жайлы "Доқумент нечастного значения" сериясы үшін марапатталған. 2009 жылы 10 фильмнен туратын "Намыс-Көк Тәңірі" атты деректі-тарихи (қазақ тілінің тарихы мен оның жазба мәдениетіне лингвистикалық саяхат) телесериалының қоюшы-режиссері және сценарий авторларының бірі.

Бар әлем өз үйіңде атты кітап (1972) – отандық тележурналистика тарихындағы алғашқы іргелі зерттеу (авторы М.Барманкұлов). Мұнда сізді он бес жылға жуық тарихы бар теледидар хабарларының алғашқы даярлану процестерінен бастап, эфирдегі уақыт ағыныңа күнделікті ілесудің қажеттілігіне көзіңізді жеткізеді.

АҚШ-тың "ЮСИА" агенттігінің басшысы Т.Соренсон мен француз теоретигі Совидің "ақпараттар турасындағы" көзқарастарына талдау жасай отырып, Совидің буржуазиялық қоғамда "адами бағалы құндылықтардың" өңінің теріс айналған түрде жазылып, көрсетіліп жатқанына өкінетіндігін бағалай, Т.Соренсонның өзі өмір сүріп отырған қоғамды қызғыштай қорыған "іскерлік табандылығын" айта келіп, автор оз ойын былайша түйіндейді: "Шыншыл ақпараттың түсініктеме жасалмаған фактілердің көлеңкесінде қалғандығына көзіңізді жеткізе отырып, мұның америка саясаткерлерінің қорғаушысы рөлін атқаратын масқаралық істеріне куә боласың. Әрі олардың бар күш-қуаттары ақпараттық өнердің техникасын зерттеуге бағытталғандығына көзің жетеді. Осыдан шығатын басты қорытынды: "дәлелденбеген" факті адамдардың санасына жап-жақсы орнығып, ол монополия үшін тәуір қызмет атқарады", деп ой түйіндейді.