Барақ байдың жұрты

Уикипедия — ашық энциклопедиясынан алынған мәлімет
Jump to navigation Jump to search

Барақ байдың жұрты - Қарағанды облысы, Ұлытау ауданы, Сарысу ауылдық округіне қарасты Көктабан қыстауы жанындағы жер атауы.

Мұнда 18-ғасырдың ортасынан бастап 20-ғасырдың 30-жылдарына дейін Тама елінің батыры Барақ Бигелдіұлы мен оның ұрпақтары мекен еткен. Барақтың өзі мыңғырған жылқының егесі болған көрінеді. Ұрпақтары да малды, бай-қуатты жандар екен. Осы жер олардың көктемде мал төлдететін орыны болған. Одан соң жаз шыға Сарысу өзені бойына көшіп кететін болған. Күзге қарай Бетпақдала асып Шу өзені бойын қыстау үшін көшіп отырған. Сондықтан да егесіз қалған жерді сырт ел Барақ байдың жұрты атандырған. Бұл жерде қазір Сарысу ауылдық округіне қарасты шаруа қожалықтарының малшылары жайлап жатыр. Мұнда Барақ Бигелдіұлының және оның бірқатар ұрпақтарының мазары бар.[1]

Дереккөздер[өңдеу | қайнарын өңдеу]

  1. Н.Рахымжанов, "Жетіқоңыр: Жиделі және Жайылма (Дәулеткелді тарихы)" атты көп бөлімді зерттеу кітабы. ISBN 978-601-7211-57-8. Бірінші кітабы: "Бабалар салған соқпақ жол" ("Айтұмар" баспасы, Алматы, 2013 ж.