Барселона — Пари Сен-Жермен футбол матчы (2017)
| Барселона — Пари Сен-Жермен | |||||||
.jpg) Матч өткен "Камп Ноу" стадионы | |||||||
| Турнир | |||||||
|---|---|---|---|---|---|---|---|
| |||||||
| Дата |
8 наурыз 2017 | ||||||
| Стадион | |||||||
| Көрермендер |
96290 | ||||||
.svg){kind=small}
"Барселона" — "Пари Сен-Жермен" футбол матчы — 2016/17 жылғы Чемпиондар лигасының 1/8 финалындағы қарымта матч. Кездесу турнир тарихындағы ең ірі камбэк ретінде тарихта қалды. Бірінші ойында 0:4 есебімен ұтылып келген "Барселона" өз алаңында 6:1 есебімен жеңді, тартыстылығы сол, ойынның 88-минутында есеп 3:1 болатын. Қалған уақытта "Барселона" үш доп соғып, 1/4 финал жолдамасын жұлып әкетті.
Матчқа дейін[өңдеу | қайнарын өңдеу]
1/8 финалда кездескен қарсыластар бірінші ойынды 14 ақпанда Парижде өткізді. Күтпеген жерде "Пари Сен-Жермен" клубы 4:0 есебімен ұтып, ширек финал жолдамасының тағдырын шешіп қойғандай әсер қалдырды. Чемпиондар лигасының тарихында сырт алаңда төрт гол айырмашылығымен ұтылып келген команда ешқашан келесі сатыға өте алмаған-ды. Рас, УЕФА кубогы мен Кубок иелері кубогында мұндай камбэк жасай алғандар бар, бірақ чемпиондар лигасында ешқашан мұндай ғажайып болған емес.
Ойыннан алдын қос клуб та кадрлар мәселесінде бас ауырта қоймады, екі тараптың да футболшылары матчқа сақадай сай болатын. Тек барселоналықтар Жереми Матье мен Артуро Видальды, ПСЖ болса, Тиагу Моттаның көмегін пайдалана алмады.
"Барселона" футболшылары осыдан алдын Испания чемпионатындағы екі ойында да бес доп айырмашылығымен қарсыластарын ұтты ("Спортинг Хихонды" 6:1, "Сельтаны" 5:0). Соған қарамастан қарымта ойында каталондықтардың ғажап ерлік жасайтынына ешкім сенбеді.
Матч[өңдеу | қайнарын өңдеу]
Шолу[өңдеу | қайнарын өңдеу]
Матч нәтижелі басталды. Күтілгендей "Барселона" футболшылары алға лап қойды да, қонақтар өз қақпасы маңына шоғырланып, қорғанысын бекітетін әрекет жасады. Үшінші минутта-ақ қақпа алдындағы бей-берекетте Луис Суарес таяудан баспен соғып есеп ашты — 1:0. Бұдан соң да алаң иелері қарсылас қақпасын торуылдаумен болды да, қонақтардың шабуыл жасауына мүмкіндік бермеді. ПСЖ футболшылары алғашқы соққысын 10-минутта жасады, бірақ Каванидің соққысы еш қауіп тудырмады.
Екінші гол 40-минутта соғылды. Андрес Иньестаның қақпа түбінде өкшемен берген пасы Кюрзаваның тізесіне тиіп, қақпаға еніп кетті. Осылайша барселоналықтар "әр таймда екі голдан" жоспарының жартысын орындады да, командалар үзіліске кетті.
Екінші тайм да нәтижелі басталды. 50-минутта ПСЖ қорғаушылары тәртіп бұзып, пенальти белгіленді. Месси мүлт кетпеді — 3:0.
Осыдан соң ғана париждіктер құр қорғана бергеннен пайда жоғын ұғынып, алға жылжи бастады. Алаңға Лукас Моураның орнына Анхель ди Мария шығып еді, "Пари Сен-Жерменнің" ойыны кәдімгідей жанданды. Кавани гол соға жаздады, бірақ доп бағанаға тиіп сыртқа кетті. Қонақтардан мұндай қайрат күтпеген алаң иелерінің қорғанысы абдырап қалды, көп ұзамай онысы үшін жазаланды да. Бірінші таймда өз алаңына гол соғып алған Кюрзава өз айыбын жуғандай болды: әуелеп келе жатқан допты баспен қағып Каванидің дәл алдына түсірді. 11-метрлік нүктесінің аумағынан Кавани жойқын соққымен қақпа торын бүлкілдетті. Есеп 3:1. Осымен матч тағдыры біржола шешілгендей болды.
Енді алаң иелері үш доп соғуы керек. Ойынның қызуы осымен басылғандай еді. Матч соңына жақындаған сайын баяулап кетті. Тек 88-минутта ПСЖ қақпасына белгіленген айып добын дәл орындаған Неймар есепті 4:1-ге жетізді. Осы гол алаң иелеріне сенім ұялатқандай болды. Қонақтар керісінше тек қорғаныспен әуреленіп, алға ұмтылмады. Көп ұзамай ПСЖ қақпасына күтпеген жерде күмәнділеу пенальти белгіленіп, Неймар қателеспеді — 5:1. Осы кезде төрешінің соңғы ысқырығына әлі бес минут бар еді.
95-минутта каталондықтар соңғы шабуылын бастады. Қарсылас айып алаңына Тер Штеген де келді. Париждіктер доптың бетін бір қайтарып еді, доп артта жүрген Неймарға келді. Неймар енді айып алаңына асырды. Допқа бәрінен бұрын жеткен Серхи Роберто қақпашының үстінен асыра теуіп, қақпаны көздеді — 6:1.
Детальдар[өңдеу | қайнарын өңдеу]
| 8 наурыз 2017 20:45 |
|
Камп Ноу, Барселона Көрермендер саны: 96,290[1] |
||||||
|
| ||||||||||||||||||||||||||||||
|
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
.svg){kind=small}
Матчтан кейін[өңдеу | қайнарын өңдеу]
Сәтсіз ойыннан соң да ПСЖ бапкері Унаи Эмери өз орнында қалды. Ал 1/4 финалға шыққан "Барселона" "Ювентусқа" төтеп бере алмады, сыртта 0:3 есебімен ұтылды да, өз алаңында көпшілік күткен тағы бір камбэкті жасай алмады, матч 0:0 есебімен аяқталды.
Дереккөздер[өңдеу | қайнарын өңдеу]
- ↑ Full Time Summary Round of 16 2nd Leg – Barcelona v Paris Saint-Germain (PDF). UEFA.org. Union of European Football Associations (8 March 2017). Тексерілді, 8 наурыз 2017.