Барунди

Уикипедия — ашық энциклопедиясынан алынған мәлімет
Jump to navigation Jump to search

БарундиБурунди Республикасының негізгі халқы. Жалпы саны 6,4 млн. адам (1995). Халқының жерге орналасу тығыздығы 1 км-ге 159 адамнан келеді. Тұрғындарының көптігі мен жердің жетіспеуі салдарынан, халқының жиі қоныс аударуы нәтижесінде, қазір біразы көршілес Танзанияда, Конгода, Уганда мен Руандада тұрады. Барунди банту тілінің солтүстік тобына жататын кирунди тілінде сөйлейді. Діни сенімдері — христиан (60%), аз ғана бөлігі мұсылмандар. Дәстүрлі наным-сенімдері де (ата-баба аруағына табыну) сақталған (30%). Негізгі кәсіптері — мал, егін шаруашылығы Жер суландырудың ұйымдасқан қоғамдық жүйесі дамыған. Кофе, шай, мақта шикізатын экспортқа шығарады. Ұлттық тағамдары: тары және бидай наны мен жеміс-жидектерден дайындалған ащы соустар; ет тағамдарын аз пайдаланады. Ұлттық киімдері көбіне ақ матадан тігіледі. Ерлер жағасы кестеленген ұзын жеңді көйлек, ақ матадан жамылғы “шамма”, аяқтарына шәркей киеді. [1]

Дереккөздер[өңдеу]

  1. Қазақ Энциклопедиясы