Батальондық артиллерия

Батальондық артиллерия (орыс. батальонная артиллерия) — батальон командиріне тікелей бағынышты штаттық артиллериялық бөлімше. Салмағы аз, габариті шағын, жылжымалылығы және ату жылдамдығы жоғары танкатқыш зеңбіректермен, минометтермен және танкіге қарсы басқарылатын ракеталармен қаруланған. Мотоатқыштар бөлімшелерін тікелей сүйемелдеуге арналған.

Батальондық медициналық пункт (БМП)

Батальондағы аурулар мен жаралыларды жинау, оларға дәрігерлерге дейінгі (фельдшерлік) көмек көрсету және полктік медициналық пунктке немесе медициналық-санитариялық батальонға эвакуация жасауға дайындау орны. Батальондық медициналық пункт батальон командирінің бүйрығымен жаралыларды ротадан альга шығу және алып кету жолдарында қорғаныста жайылады. Батальондық медициналық пунктнің маңызды міндетіне ұрыс даласында көрсетілген алғашкы көмектің сапасын тексеру, яғни таңғышты жөндеу, зақымданған аяқ-қолға салынған шинаны тексеру жатады.

Батальонның қорғаныс ауданы

Батальонды күшейтетін құралдармен толықтырылған полк қорғаныс өңірінің бөлімі. Батальонның қорғаныс ауданы айнала қорғанысқа дайындалып, бір-бірімен атыс жүйесімен және кедергілермен байланыскан роталық тірек пункттерінен тұрады. Одан басқа батальонның қорғаныс ауданында артиллерия, минаатарлар, танктер, ТКБР қондырғылары, зениттік құралдар және ату позициялары жабдықталады. Танкіге қарсы құралдар мен танктер бір-бірімен бірлесе кимыл жасау үшін және қарсылас танктеріне атыс жүргізу үшін қолайлы арақашыктықта орналасады. Батальонның қорғаныс ауданында сондай-ақ артиллерия және ӘШҚҚ құралдары, атыс шептері мен аға бастық резервінің жайылу шептері, қосалқы және жалған тірек пункттері мен бекініс дайындалуы мүмкін. Батальонның қорғаныс ауданының ені 5 километрге дейін, тереңдігі 3 километрге дейін болады. Батальонның қорғаныс ауданының ені су бөгетті корғау кезінде, тауда және басқа ерекше жағдайларда, сондай-ақ қамтамасыз ету жолағы мен алдыңғы позицияларда одан да көп болуы мүмкін.