Батақтар

Уикипедия — ашық энциклопедиясынан алынған мәлімет
Навигацияға өту Іздеуге өту
Батақтар
Halak Batak.jpg
Бүкіл халықтың саны

3,9 млн.

Ең көп таралған аймақтар

Индонезия Индонезия

Тілдері

батак тілдері

Діні

христиандық, суннизм

Батактар (өздік атауы — оранг-батак) — Индонезияның Суматра, Ява аралдарын мекендейтін халық. Саны 3,9 млн. адам (1992). Моңғолдық нәсілдің оңтүстік азиялық тобына жатады.

Тілі[өңдеу | қайнарын өңдеу]

Австронезиялық жанұяның Батыс-зондтық тілдер тобының батак тілдерінде сөйлейді. Бұрын батак әліппесін қолданған, ал қазір латын әліппесінің негізіндегі әліппесі жасалған.

Діні[өңдеу | қайнарын өңдеу]

Тоба көлі маңындағы батактар христиан дінін тұтынады, қалғандары — мұсылман-сүннит.

Кәсібі[өңдеу | қайнарын өңдеу]

Әр алуан кәсіппен айналысады. Күріш, жүгері, батат, кассава, қант қамысын, темекі, т.б. дақылдар өсіреді. Мал шаруашылығында буйвол, жылқы, сиыр асырайды. Балық аулаумен де шұғылданады. Қолөнері жан-жақты дамыған. Мысалы, ағашқа ою түсіру, темір ұсталығы, тігіншілік, мата бояу, қайық жасау, тоқыма тоқу, піл сүйегінен, қыш пен саздан түрлі бұйымдар жасау батактардың күнделікті кәсіптері.

Батактар шіркеуі

Өмір салты[өңдеу | қайнарын өңдеу]

1920 жылдарға дейін патриархалдық құлдықпен, салт-жора каннибализммен, бас аулаумен айналысты. Дәстүрлі отбасы үлкен. Неке үш туысқандық одақ нормаларымен реттелді, левират, сорорат, артықшылықты кросс немере некелері қолданылады. Мұсылмандар арасында көп әйелдікке рұқсат етілген, каро-батактар ​​арасында сирек кездеседі, мандайлдар арасында тек Марга Раджа өкілдеріне рұқсат етілген.[1]

Баспаналары саманнан, кірпіштен, тастан қаланған, не қамыс пен саз балшықтан тұрғызылып, сырты ою-өрнекпен әшекейленген.

Ұлттық киімдері: ерлер мойыны жабық жейде, әйелдер оң иығына орамал жауып, белдемше тәріздес тігілген каин киеді және күміс сырға, сақина, білезік, моншақ тағады. Қазіргі кезде көпшілік халық еуропалықтарша киінеді.

Ұлттық тағамдарының көпшілігі күріштен даярланады, етті мейрам күндері ғана жейді. Ұлттық фольклоры, ән-жыры мен биі дамыған.[2] [3] [4]

Дереккөздер[өңдеу | қайнарын өңдеу]

  1. народы мира / Батаки http://www.etnolog.ru/people.php?id=BATA
  2. Қазақ Энциклопедиясы
  3. Ревуненкова Е.В., Народы Малайзии и Западной Индонезии, М., 1980
  4. Народонаселение стран мира, М., 1984.

Сілтеме[өңдеу | қайнарын өңдеу]


Үлгі:Ethno-stub