Батрахозаврлар

Уикипедия — ашық энциклопедиясынан алынған мәлімет
Jump to navigation Jump to search
Батрахозаврлар
Сеймурия
Ғылыми топтастыруы
Дүниесі: Жануарлар
Жамағаты: Хордалылар
Табы: Амфибиялар
Сабы: Батрахозаврлар
Тұқымдасы: Мысықтәрізділер
Екі-есімді атауы
Batrachosauria
Efremov, 1946

Батрахозаврлар (лат. Batrachosauria) - тас көмір мен пермь дәуірінде тіршілік етіп, кейін құрып кеткен қос мекенділер класс тармағы. Бұл класқа жататын қазба жануарлар лат. Antracosauria - Антракозаврлар деп аталатын бір отрядқа біріктіріліп, эмболомерлер және сеймуриаморфтар деген екі отряд тармағына бөлінеді. Біркелкі қарапайым құрылысты эмболомерлер суда тіршілік еткен, басының ұзындығы 40 см-ге дейін, денесі 4-5 м болған. Олардың 4 тұқымдасқа жататын қазба қалдықтары орта және жоғарғы тас көмір дәуірінің шөгінділерінен Батыс Еуропада, АҚШ-та, Шотландияда табылған. Бұлардан күрделілеу құрылысты сеймуриаморфтар құрлықта тіршілік етуге бейімделе келіп, эволюциялық дамуы жағынан бауырымен жорғалаушыларға жақындау болған. Қазба қалдықтары Чехияда, Тәжікістанда, Ресейдің Еуропалық бөлігінде, ал лат. Chorhimosuchus satpaevi - деген түрі Қазақстанда төменгі перьм шөгінділерінен табылған. Батрахозаврларды зерттеудің омыртқалы жануарлар эволюциясын (әсіресе қос мекенділер мен бауырмен жорғалаушылар арасын) анықтауда үлкен маңызы бар [1].

Дереккөздер[өңдеу]

  1. Қазақ Совет энциклопедиясы/Бас редакторы М.Қ.Қаратаев - Алматы, 1972, 2 том
Ортаққорда бұған қатысты медиа файлдар бар: Seymouriamorpha