Батырлар алаңы (Ақтөбе)
.jpg) | |
| Орналасуы |
Ақтөбе қаласы, Ә. Молдағұлова даңғылы, 32. |
|---|---|
| Жоба авторы |
Ж. Кенбай, М. Ғабдрахманов, А. Қубай, Қ. Қобьшанов, Ж. Есенғұлов. |
| Түрі |
мемориалды кешен |
Батырлар алаңы – Ақтөбе облысының жергілікті маңызы бар тарих және мәдениет ескерткіштерінің тізіміне енген монументтік өнер ескерткіші.
Орналасқан жері
[өңдеу | дереккөзін өңдеу]Ақтөбе қаласы, Ә. Молдағұлова даңғылы, 32.
Кезеңі, авторы
[өңдеу | дереккөзін өңдеу]2010 жыл, авторлары – Ж. Кенбай, М. Ғабдрахманов, А. Қубай, Қ. Қобьшанов, Ж. Есенғұлов.
Тарихи деректер
[өңдеу | дереккөзін өңдеу]Батырлар алаңының салтанатты ашылуы Ұлы Жеңістің 65-жылдық мерейтойына орай өтті.
Мемориалды кешен Ақтөбе облысынан шыққан Кеңес Одағы батырларының аты жазылған 46 гранит стеладан тұрады. Алаң кіреберісінде екі үлкен есімдер жазылмаған стела бар, олар алаңның басталуын көрсетеді. 46 ақтөбелік батырлардың ішінде майдангерлерден басқа тұлғалар да, бейбіт уақытта атаққа ие болған, мысалы ғарышкерлер мен әскери қызметкерлер бар.
Әр гранит стелада барельеф пен есім ойып жазылған. Батырлардың мүсіндік портреті – барельефтердің авторлары танымал шеберлер – Жәдігер Кенбай, Марат Ғабдрахманов, Ахмет Қубай, Қонысбек Қобыланов, Жәнібек Есенғұлов.
Стелалардан басқа алаң шамдар, газондар мен жарқын гүлзарлармен безендірілген.[1]
Дереккөздер
[өңдеу | дереккөзін өңдеу]- ↑ Қазақстанның тарихи-мәдени нысандарының және жаппай зиярат ету орындарының альбомы/ ; ҚР Мәдениет және спорт министрлігі, Қазақ ғылыми-зерттеу мәдениет институты ; [жоба авторы Т. Бекбергенов ; бас ред. А. Р. Хазбулатов]... – Астана : [б. ж.], 2018. - 495 б., суретті; . – Библиогр.: 490 б. . – 100 дана – ISBN 978-9961-23-485-9