Батыс Новобогат мұнай кен орны

Уикипедия — ашық энциклопедиясынан алынған мәлімет
Jump to navigation Jump to search

Батыс Новобогат мұнай кен орныКаспий маңы ойысының оңтүстік ернеуі маңы белдеміндегі 1992 жылы ашылған мұнай кен орны. Атырау облысында, Атырау қаласынан солтүстік-батыста 70 км жерде орналасқан.

Геологиялық құрылымы[өңдеу]

Кен орнын сыйыстырушы құрылым Новобогат күмбезінің оңтүстік-батыс баурайының бойымен солтүстік-батыстағы Гран тұз мойнағынан оңтүстік-шығыстағы Новобогат-Қамысты тұз мойнағына дейін созылатын тұз кемерінен орын алған. Мұнай тұтқышы -2200 м-лік изогипсасымен шектелетін тұз кемері табанының антиклиндік жатысы нәтижесінде қалыптасқан. Кемер астындағы пермь-триас қатқабатында 2480-2550м-лік тереңдіктерде жатқан 4 мұнайлы горизонт анықталды. Төрт горизонттың жиынтық мұнайлы ауданы 200-9,2 мың м3.

Жатыс сипаты[өңдеу]

Жатындар қойнауқаттық, дөңес маңдық, олар стратиграфиялық тұрғыдан қалқаланған. Горизонттар терригендік таужыныстардан құралған, жинауыштары кеуекті. Жинауыштардың ашық кеуектілігі 20%, өтімділігі 0,001-0,08 мкм2, мұнайға қанығу коэффициенті 0,64-0,66. Горизонттардың мұнайға қаныққан қалыңдығы 10-12 м. 5 мм-лік штуцердегі мұнайдың бастапқы шығымдары 11,8-38,6 м3/тәу. Бастапқы қойнауқаттық қысымдар 17,4-28,4 Мпа.

Құрамы[өңдеу]

Мұнайдың тығыздығы 804-824 кг/м3, аз күкіртті (0,03-0,14%), аз парафинді, аз мөлшерде шайырлар мен асфальтендері бар. Барлық горизонттар үшін орташа жылдық газ факторы 188,4 м33. Су-мұнай жапсарлары анықталмаған, еріген газдың құрамы мен оның химиялық қасиеттері зерттелмеген. Кен орны 2003 жылы қайтадан іске қосылды қазіргі кезде ол сынамалық өндіріске дайындалуда.[1]

Дереккөздер[өңдеу]

  1. Қазақстанның мұнай энциклопедиясы. 2 томдық - Алматы: "Мұнайшы" Қоғамдық қоры, 2005. ISBN 9965-9765-1-1