Бауыржан Жұмаханұлы Омаров

Бауыржан Жұмаханұлы Омаров
Лауазымы
Ту Қазақстан Республикасы Президентінің кеңесшісі
8 сәуір 2019 жылдан бастап
Президент	Қасым-Жомарт Тоқаев
Өмірбаяны
Ғылыми дәрежесі	ҚР ҰҒА академигі, филология ғылымдарының докторы, профессор
Дүниеге келуі	1 мамыр 1962 (1962-05-01) (63 жас) Қаратерең ауылы, Арал ауданы, Қызылорда облысы, Қазақ КСР
Ғылыми қызметі
Ғылыми аясы	Қазақ әдебиетінің тарихы, түркі халықтары әдебиетінің тарихы, шығыс елдері әдебиетінің мәселелері
Марапаттары

Бауыржан Жұмаханұлы Омаров (1 мамыр 1962, Қаратерең ауылы, Арал ауданы, Қызылорда облысы) – Қазақстанның мемлекет қайраткері, журналист, әдебиеттанушы, 2019 жылдан бастап президент Қасым-Жомарт Тоқаевтың кеңесшісі. Филология ғылымдарының докторы (2001), профессор (2002), Қазақстан Республикасы Ұлттық ғылым академиясының корреспондент-мүшесі (2013).

Оқу жолы

ҚазМУ-дың журналистика факультетін (1986, қазіргі ҚазҰУ), Мәскеу халықаралық бизнес және ақпараттық технологиялар университетін (1998), Т.Рысқұлов атындағы Қазақ экономикалық университетін (2006) бітірген.

Жұмыс жолы

«Лениншіл жас» (қазіргі «Жас Алаш») газетінің тілшісі, аға тілшісі, аудармашысы, бөлім меңгерушісі (1986–1994), ҚазҰУ-дың аға оқытушысы (1994–1996), аға ғылыми қызметкері (докторант) (1998–2000), профессоры (2002–2003), Қызылорда мемлекеттік университетінің проректоры (1996–1997), Қызылорда қаласы әкімінің орынбасары – Қызылорда арнайы экономикалық аймағы әкімшілік кеңесі төрағасының орынбасары (1997–1998), М.Әуезов атындағы Әдебиет және өнер институтының аға ғылыми қызметкері, бөлім меңгерушісі (2000–2003), «Қайнар» университетінің профессоры (2001–2002); ҚР Мәдениет министрлігінің Тілдерді дамыту департаментінің директоры, ҚР Мәдениет, ақпарат және спорт министрлігі Тіл комитетінің төрағасы (2003–2006), «Литер-Media» ЖШС атқарушы директоры, «Астана хабары» газеті бас редакторының бірінші орынбасары, «Айқын» газетінің бас редакторы, Қызылорда облысы әкімі аппаратының жетекшісі, «Қазақ газеттері» ЖШС бас директоры (2006–2009), ҚР Мәдениет және ақпарат министрлігі Ақпарат және мұрағат комитеті төрағасының орынбасары, Ақпарат және мұрағат комитетінің төрағасы, ҚР Мәдениет министрлігі Тіл комитетінің төрағасы, ҚР Президенті Баспасөз қызметінің сектор меңгерушісі (2009–2013) қызметтерін атқарды. 2013 жылдан бастап ҚР Президенті Баспасөз хатшысының орынбасары болды. Ғылыми-зерттеу саласы - әдебиеттану.

2019 жылы Бауыржан Омаров Қазақстан Президентінің кеңесшісі болып тағайындалды.

Үйленген. Жұбайы - Ермағамбетова Тойған Нұрғалиқызы (1963 ж. т.), балалар дәрігері. Ұлдары - Бақытжан (1987 ж. т.), Дәурен (1988 ж. т.), Дәулет (1991 ж.т), қызы – Айжан (1995-2003). Немерелері – Аяжан (2010 ж.т.), Сая (2012 ж.т.), Сана (2014 ж.т.), Расул (2015 ж.т.).

Ғылыми еңбектер

• 1993 жылы Абай атындағы Алматы мемлекеттік педагогикалық университетінде "Мұрат Мөңкеұлының әдеби мұрасы" атты тақырыпта кандидаттық диссертация қорғады.
• 2001 жылы М.Әуезов атындағы Әдебиет және өнер институтында «Қазақ әдебиетіндегі зар заман ағымы (генезис, типология, поэтика)» деген тақырыпта докторлық диссертация қорғады.
• Мұрат Мөңкеұлының шығармаларын, қазақ әдебиетіндегі зар заман ағымын, ежелгі әдебиет мәселелерін зерттеді.
• 100-ден астам ғыл. жарияланым мен 10 ғылыми және публицистикалық кітаптардың авторы.