Бауыржан Әлімұлы Мұхаметжанов
Көрініс
Бауыржан Әлімұлы Мұхаметжанов (26 қараша 1960, Жамбыл облысы) — қазақстандық саясаткер, заңгер, дипломат. 1997—2000 жылдары Әділет министрі және 2005—2009 жылдары Ішкі істер министрі сияқты ірі мемлекеттік лауазымдарды атқарды. 2009—2011 жылдары Сенат депутаты болды. Заң ғылымдарының кандидаты.
Өмірбаяны
[өңдеу | дереккөзін өңдеу]Қожа руынан шыққан.
- С.М. Киров атындағы Қазақ мемлекеттік университетінің заң факультетін бітірген (1983), заңгер.
- Заң ғылымдарының докторы (2008). Докторлық диссертациясының тақырыбы: «Қазақстан Республикасындағы басқару формалары: конституциялық үлгі және мемлекеттік басқару тәжірибесі».
- 1983 жылдан — С.М. Киров атындағы Қазақ мемлекеттік университетінің мемлекет және құқық теориясы мен тарихы кафедрасында сынақ мерзімінен өтуші-зерттеуші, кафедра ассистенті.
- 1990 жылдың шілде айынан — ҚазКСР Жоғарғы Кеңесі Заңнама және құқықтық тәртіп мәселелері бөлімінің аға кеңесшісі, заңдардың орындалуы жөніндегі секторының меңгерушісі.
- 1991 жылдың қыркүйек айынан — ҚазКСР Жоғарғы Кеңесі Заңнама, құқықтық сараптама және талдау мәселелері жөніндегі бөлім меңгерушісінің орынбасары.
- 1992 жылдың қаңтар айынан — Қазақстан Республикасының Жоғарғы Кеңесі төрағасы хатшылығының меңгерушісі.
- 1993 жылдың қаңтар айынан — Қазақстан Республикасының Жоғарғы Кеңесі Заңнама, құқықтық сараптама және талдау бөлімінің меңгерушісі.
- 1994 жылдың ақпан айынан — Қазақстан Республикасының Президенті және Министрлер кабинеті Аппаратының Заңнама бөлімінің меңгерушісі
- 1994 жылдың маусым айынан — Қазақстан Республикасының Президенті Аппаратының Заңнамалық бастамаларжәне құқықтық сараптама бөлімінің меңгерушісі.
- 1995 жылдың қараша айынан — Қазақстан Республикасының Президенті Әкімшілігінің Заңнама және құқықтық сараптама мәселелері жөніндегі бөлімінің меңгерушісі.
- 1996 жылдың желтоқсан айынан — Қазақстан Республикасының Президенті Әкімшілігінің Заңнама және сот жүйесі мәселелері бөлімінің меңгерушісі.
- 1997 жылдың қазан айынан — Қазақстан Республикасының әділет министрі
- 2000 жылдың қыркүйек айынан — Қазақстан Республикасының Президенті Әкімшілігі жетекшісінің орынбасары.
- 2002 жылдан — Қазақстан Республикасының Премьер-министрінің орынбасары.
- 2003 жылдан — Қазақстан Республикасының Президенті Әкімшілігі жетекшісінің орынбасары.
- 2005 жылдан — Қазақстан Республикасы ішкі істер министрі
- 2009 жылдың сәуір айынан бері — Қазақстан Республикасының Парламенті Сенатының депутаты, Халықаралық қатынастар, қорғаныс және қауіпсіздік комитетінің мүшесі.
- 22 желтоқсан 2011-20 қаңтар 2013 - Маңғыстау облысының әкімі.
- 26 наурыз 2013 жылы - Қазақстан Республикасының Литва Республикасындағы Төтенше және Өкілетті елшісі.[1]
- 21 мамыр 2013 жылдан - Қазақстан Республикасының Латвия Республикасындағы Төтенше және Өкілетті елшісі міндетін қоса атқарушы.[2]
Марапаттары
[өңдеу | дереккөзін өңдеу]- «Парасат» (1999)
- «Барыс» (2004) ордендерімен;
- медальдармен;
- ҚР Құрмет грамотасымен (1993) марапатталған.
Әскери атағы — запастағы капитан.
Отбасылық жағдайы
[өңдеу | дереккөзін өңдеу]- Үйленген. Жұбайы - Мұхамеджанова Зарема Хайдарқызы.
- Қыздары - Мәдина (1980 жылы туған), Әдина (1997 жылы туған).
- Немерелері - Әлижан (2000 жылы туған), Әміржан (2004 жылы туған).[3]
Дереккөздер
[өңдеу | дереккөзін өңдеу]- ↑ Мухамеджанов назначен Послом Казахстана в Литве Мұрағатталған 11 тамыздың 2014 жылы.
- ↑ Мухамеджанов назначен Послом Казахстан в Латвии Мұрағатталған 10 тамыздың 2014 жылы.
- ↑ Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2
Санаттар:
- 26 қарашада туғандар
- 1960 жылы туғандар
- Алфавит бойынша тұлғалар
- Меркіде туғандар
- 2 дәрежелі Барыс орденінің иегерлері
- Астанаға 10 жыл медалінің иегерлері
- Парасат орденінің иегерлері
- Қазақстан мемлекет қайраткерлері
- Қазақстан саясаткерлері
- Қазақстан премьер-министрінің орынбасарлары
- Қазақстан Парламенті Сенатының депутаттары
- Қазақстан ішкі істер министрлері
- Қазақстан әділет министрлері
- Маңғыстау облысының әкімдері
- Қазақстанның Латвиядағы елшілері
- Қазақстанның Литвадағы елшілері
- Қазақстан заңгерлері
- Заң ғылымдарының докторлары
- Әл-Фараби атындағы Қазақ ұлттық университеті түлектері







