Бауыр циррозы

Бауыр циррозы — бауыр паренхимасының фиброзды дәнекер ұлпамен қайтымсыз алмасуымен сипатталатын бауырдың созылмалы ауруы.

Этиологиясы:

Бауыр циррозының дамуына ықпал етуші факторлар:

• Ішімдікті ұзақ уақыт тұтыну (70-80% жағдайда кездеседі)
• Вирусты гепатиттер В,С және Д (30-40% жағдайда)
• Паразиттік инфекциялар
• Сирек жағдайда өт жолдарының аурулары (бауырлық немесе бауырдан тыс), әртүрлі химиялық гепатотоксиндер, дәрілік интоксикациядан дамуы мүмкін.
• Тұқымқуалайтын зат алмасулық бұзылулармен (гемохроматоз,гепатолентикулярлық дегенерация, альфа-1 антитрипсин жеткіліксіздігі) және портал көктамыры (венасы) жүйесіндегі окклюзиялық процесстермен (флебопорталды цирроз) дамуы мүмкін.
• Науқастардың 10-35%-ында этиологиялық себептері түсініксіз болып келеді.

Белгілері

Бауыр циррозының негізгі жалпы белгілері:

• дене салмағының жоғалтуы;
• іштің ыңғайсыздығы (дискомфорт);
• әлсіздік, шаршағыштық;
• нәжістің бұзылуы (диспепсия)
• буындардағы ауырсыну;
• тәбеттің төмендеуі, жүрек айну;
• оң жақ гипохондриядағы ауырсыну мен ыңғайсыздық;
• алақан мен аяқтардағы қызару белгілері;

Ер адамдарда жиі кездесетін клиникалық белгісі: сүт безіндегі патологиялық ұлғаю (гинекомастия).

• Қан аралас құсық пайда болады.
• Ауыр жағдайларда табан ісінеді, іші сұйыққа толып сыртқа кернеп кетеді.
• Көз бен терінің сарғаюы орын алады.

Алдын алу

Асқынған циррозды емдеу қиын. Көптеген адамдар асқынған цирроздан қайтыс болады.

1. Ішімдік қолданбау. Ішімдіктің бауырды бұзатынын ескеріңіз.
2. Мүмкіндігінше жақсы тамақ ішіңіз: көкөністер мен жеміс-жидектер, аздап протеинді пайдалануға да болады. Бірақ протеинді тамақтардың ішінде: ет, жұмыртқа, балық, т. б. көп әуестенбеңіз, себебі бұлар ауру бауырдың жұмыс істеу қызметін қиындатады.
3. Циррозбен ауырып жүрген кезде ісік пайда болса, тұзды тамақтан мүлдем аулақ болыңыз.